Акафисты, чтомые в болезнях, скорбях и искушениях
Шрифт:
Радуйся, тою новое знамение благодати в Церкви являющая; радуйся, яко, на икону Твою взирающе, Самой Тебе, истинней Богородице, поклоняемся.
Радуйся, иконою Твоею, яко столпом огненным, мрак греха отгоняющая; радуйся, тою печали наша утоляющая.
Радуйся,
Радуйся, вретище скорби нашея растерзающая; радуйся, вечною радостию нас одевающая.
Радуйся, Радосте наша, избави нас от всякаго зла и утоли наша печали.
Странну и преславну в Церкви явльшуюся святую Твою икону Ангели воспеша, апостоли прославиша, лик святителей поклонишася, мы же, грешнии, припадающе, ожидаем Твоея великия и богатыя милости, с веселием вопиюще: Аллилуия.
Всеми вышними и нижними владычествуяй Господь, видев Тя, Матерь Свою, всегда предстоящу Ему и со умилением Ему приносящу моление о нас грешных, обеща исполнити вся прошения Твоя. Мы же, грешнии, надеющеся на Твоя Матерния о нас молитвы, благодарственная Тебе приносим сице:
Радуйся, с Сыном Твоим и Богом вечно царствующая; радуйся, Емуже всегда о нас моления приносящая.
Радуйся, всех к Тебе прибегающих Твоею милостию покрывающая; радуйся, всех Радосте, печали наша утоляющая.
Радуйся, примирение наше с Богом соделавшая; радуйся, Бога и человека соединившая.
Радуйся, спасение человеческое устроившая; радуйся, прародительнаго греха клятву разрушившая.
Радуйся,
Радуйся, отчаянных к Богу возводящая; радуйся, сосуды смертныя, на нас уготованныя, сокрушившая.
Радуйся, Радосте наша, избави нас от всякаго зла и утоли наша печали.
Все естество ангельское похвальныя песни приносит Тебе, Божией Материи Заступнице всех припадающих Тебе и просящих Твоея помощи, яко твердым и крепким Твоим предстательством праведных веселиши, грешных заступаеши и от бед избавляеши, и печали утоляеши, и молишися о всех верою зовущих: Аллилуия.
Вития многовещаннии, яко рыбы безгласныя, недоумеют хвалити славный, Владычице, иконы Твоея праздник, ниже от скверных устен наших приносимыя Ти похвалы достойны, обаче неисчетная благодеяния, иконою Твоею нам являемая, видевше, душею и сердцем радующеся, Тебе глаголем:
Радуйся, от глада нас Хлебом жизнипитающая; радуйся, от губительства смертнаго безсмертием нас соблюдающая.
Радуйся, от труса греховнаго нас сохраняющая; радуйся, от потопа смертнаго рукою Твоею крепкою нас избавляющая.
Радуйся, от огня росою молитв Твоих нас восхищающая; радуйся, от бед сильным Твоим предстательством нас защищающая.
Радуйся, от меча силою Твоею нас охраняющая; радуйся, от нашествия иноплеменник нас спасающая.
Конец ознакомительного фрагмента.