Чтение онлайн

на главную - закладки

Жанры

Арсеман, монь арсеман…
Шрифт:

– Каня а неят, мезе теят, каня сельметь таргизь?! – кежтнеде сорнозь, пирень келес пижнезь, автордызе атянть кедьстэ модашканть ды весе вийсэнзэ, теке превстэ лиссь, вередемсь невтемань кис яхоеме-вальсеме. Цят шка – илыкезэ маштсь. Варсодизе псинзэ пачк модашканть Теряень пильгензэ ваксс ды поладызе тонавтоманзо ней уш кельсэ: – Кодамояк тев теть а тееви, мезекскак а маштоват, чаво ломань, ничего тебе не надо!… – пижнезь-сялдозь, Наталь «човсесь» мирдензэ. Прядомакс цюх сельгсь ды велявтсь, полавтызе мелензэ, мекев, кудоёнов.

Теряйнень эряволь сеске туемс аксунгалицянть икельде: а мезть кунсоломс кежсэ пургсиця ломаненть, сонзэ ормаза моронзо. Сон сынст содасынзе. Тейсь ильведькс – эзь туе. Марязденть-неезденть гувк тапардызе пси,

эрязкалезевсь седеезэ. «Мезень кис, мезень кис?» – теке кевкстнесь сон . Прязо налкставиця мельтнеде увнось. Эзь сода, мезе теемс, ков молемс. Варштась икелензэ усксевиця модашканть лангс ды прянь нолдазь, састо эскелязь сыргась пирекуншкава янганть вирь ёнов. Сон ушодови Черькаень Наталень уличинзэ-моданзо пестэ сеске.

Торох, дух а мезень кис лангозонзо каявомась, маней менельксэнь келес пижнемась, прясто кочкаряс покордамось эзть максо прянтень арсемс мездеяк лиядо. Лепштясь…

«А! Полавтомс эрямонь мазычинть, эрьвела, ванькс ёжотнень модамарень эль лексиця нетькске лангс! Кодамо авечкема ды нарьгамо оймень ваньксчи лангсо! Кодаяк а чулгови, мекс истя? – лакасть, чавсть авидечиденть валтнэ-мельтне, кевкстематне Теряень прясо. – Кинень пшкадемс, мезе теемс?

Вирь, вирь, мекс чатьмонят? Мекс тынь, кувака рунго пичеть, вал а каятадо кисэнь? Каня а марясынк мештестэ лисиця кувсеман? Ёвтынк меленк, кода тень улемс? Саема, паряк, латалксонь стенас понгавтозь пиксэнть ды… Мезе лия кадовсь? Паряк, ёвтатадо мель, кода лисемс кажостонть? Те кодамо эрямо? Ужо-ужо… А кие сестэ, арсек, тевень топавтсынзе? Ушодозь эйстэст аволь аламо. Аволь, малавгак аволь ансяк пандянь-кардазъютконь! Лиянень сынь а теевить, монень, лексек-пувсек, ускомат. Секскак тоначив туемадо мельтнень – шукшпряв. Те истя. А кода улемс вейсэнь эрямонть марто? Кода? Муемс лия эрямо тарка? Муинь… Эрямс ськамот? Теяк… Аволь макшов мукорян. Чангодть, Инешкипаз!»

Модамарень керязь нетькскеденть таргонь перть Черькаень кудосо кирдевсь кельме кошт, коня алга варштавкст, пеень пачк ёвтазь кавто валт: «уле» ды «арась».

«Кирдемс мештесэть зняро кежть, сэредстиця, навола ризкс ёжот… – арсесь Теряй Натушонь пукштяиця, ордакш обуцядо. – Инешкипаз, каня тень туртов чачозтяно? Мезень кис аванок зняро майсесть ды мелявтсть мартонок? Лиси, сакшнотано тей вейкень кис: майсевеме.

Туемс? Ков, косо ды ки монь, сыре каргонть, учи? Косо кемемась, колмоце муевксэсь карми седе мариця ойме, валдосо гувкаиця? Илязо лисе седеяк пшти», – яла онкстнесь, яла кайсесь эськанзо Теряй, ды кода-бути ледсь мелезэнзэ умоктояк умок, тона нинть марто эрямсто, ловнозь Лев Толстоень «Крейцерова соната» келей ёвтнемазо. Эйсэнзэ невтеви семиясо эрямонть алкуксонь «мазычизэ», сонзэ «танстезэ». Сон истямо ды невтезь истя – удомазо цёранть сезневкшнесь аволь ве таргонь перть. Эйсэнзэ тешкстави: вейксэньгемень вейксэ процентт семиятне-кудораськетне – эрить сёвнозь-тюрезь, мельга-мельцек салава ваннозь, микшнезь, полавтнезь. Стака ульнесь марямс истят валт ине философонть пельде.

Ды аволь ансяк Лев Николаевич! Лия сёрмадейтнеяк ёвтнесть ды ёвтнить кудораськеденть аволь цяпамонь валт-мельть: «зона», «колония», «палач»; ававттонть – «мучказ» («надзиратель»), «полон». Астяко тюрьмань валт-лемть педявтнесть! Ды… педявтнить.

Секс Теряй вельть эзь правто туемс Натушто, те кежсэ-ацирьгалемасо цилькаиця эрямо таркастонть. Кирдсь кор. Кирдсь пеень сускозь, кирдсь кода маштсь…

«Тук, варчик! Семань Итёк оно сисемксть кайсесь кирьгазонзо ашко, совсесь содамокс. Сисемексть! Ундоксткак – тейтернеть-цёрынеть – кенерькшнесь зярыя таркава нолдамо. Кадык эно цёрась улевель нузякс кандо эли кодамояк меельце симагай. Покш, виев, мазый, тевсэ – сырнень кедь. Вейкесь «нитнеде» санонзо таргась, омбоцесь, колмоцесь… Сисемецесь истя карсизе – сельгсь ды ношкстась эйстэнзэ мейсэ авазо чачтызе. Оргодсь вень куншкат, ков сельмензэ несть».

Кежей Наталь, сезеви эрьва штелькстэ, акирдевиця кор, сень кис винапетнявкс а каи, валонзо лангсо –

азор. Мезе мери – топавтсы! Уски-важоди лишмекс, сивекскак а эряви. Кудоютконь тевтнесэ – дёрдо дёр! Секскак Теряй атя лия ёнга ливтнемадо арсематнень малавгак эзинзе нолдтне.

Мезесь кедьсэть уле – уле, а редяви, ёми – чарькодьсак, кодамо питнейчи, мезе ёмавтыть. Лиясто мик ёмавтыцянть летькемить сельмензэяк, нолдасынзе кедензэ. Секс…

Ёгань Теряй тунь эзь чумондо Натушонь, тунь. Каня аламо цёрат-ават, одт-сыреть майсевить панжома экшсэ чумочинь кис, конань эзизь тее? Чумонь теицятне, васняяк, – тетяст-аваст. Сынь, теде малавгак апак арсе, апак сода ды апак редя, «казить» эйкакшост туртов берянь кор, анокстыть-стявтыть нолажа киланга эскелицят, тюрьмава аштицят. Истя лиссь Натушонь аванзо мартояк. Сон а чумо, лиссь истя – кастызе кемнилее иень перть пакшанзо колмо цёрадо мейле вейкине кольнягай тейтернекс ды казизе тензэ ордакшонь-аксунонь «орманть». Шкань-шкань Натуш марявсь атянтень натой жаль.

…Аволь уш истя сеедьстэ ёндолтнэ кивчкаесть ды сезнесть Пичеле велькссэ новолезь пиземень чопода тандавтниця пельтнень. Ульнесть седеень кецневтиця, маней, мизолдыця читькак. Кодамокс илязо уле менелесь, эрямось ве таркасо эзь аште.

Чинь тевтненень путозь пе. Теряй атя озадо аштесь кузтемпесэ. Оймсесь. Икельганзо, пирепеваст, ожо меште пичетне чатьмонезь учость чокшненть самонзо. Вановт кецневтсть пиресэст пиже ябунцясо копачазь умарьчувттнэ. Кодат тустот ды рукшнат лопаст! Сэнь масторонть азорозо кенерсь валгомо оймсеме. Конизе сельмензэ ды кекшсь пичетнень томбалев. Виренть велькска менелесь артовсь палозь палыця ожо-якстерестэ.

Сась, кода свал апак учо, прязонзо ледстнема вейке ковол шкастонть, зярдо паротнеде, маней читнеде потмуратнень коряс, Натуш марто вейсэнь эрямосост седе ламольть. Одольть…

Зярдояк а стувтови Домка эрькев экшелямо якамост. Эйзэнзэ велестэнть вайгельпешка. Ансяк ютамс сынст келей лаймеванть ашождыне. Теине, тей-тов менчевиця яннэсь ветясь тов куракш, карксамга сэрей тикше юткова, начко-рудазов таркава. Видестэ лемдекшнизь умонь эрицятне – Домка. Алкукс истя. Текеде, паряк, истямо ванькс ведезэ – сельведь. Эйсэнзэ кирьгава аштезь шождасто неявить-лововить пильгесурот. Перьканзо касыть, мазылгавтыть эрькенть ды тесэнь ёнкстнэнь, калень, эрьбань, ламарень, чевгень ды лия эрьва кодат куракшт.

…Шказоль чикуншкадо мейлень. А куш а каш. Оймсесть чувтнэнь потсо нармунтне. Псиденть чатьмонсть, эзь маряво тикшенть потсто тастынетнень кайгасо налксемасткак.

Эрькечирентень аламнеде апак пачкоде, васенцекс, тунь апак визде, кайсесь, мезеяк эзь кадо лангозонзо, Натуш. Киде виздемс? Оршамонзо, венстизе кедензэ, понгавтынзе рацяня пешкс куронь нурьгиця тарадпес. Састыне, ёжонь марязь, ожо пси чуваронть ланга ютась, икелев ванозь, веденть малас.

Теряй понксонзо-панаронзо каямо эзь эрязкале. Стядо аштесь нидензэ авасоло ды вансь сонзэ аволь сэрей, аволь эчке, теке тейтерень, рунгонзо лангс. Вансь сельмень апак кончтне, сэвезь сэвсь вановтсонзо. Некшнизе нинзэ эрьва кода, эрьва косо ды, содави, аволь весть, а вана истя, пижесэ пирязь эрькечирева, ожо чуварнэ ланга эскелицякс, эрьвела ёжосо, прясто пильгс штапокс, – васенцеде.

Зярс-бути Натуш аштесь стядо, вансь чипайденть цитниця эрькенть чамас, аламо шкань ютазь вановтсонзо ютась куракшов, пиже кундокс неявиця, чиреванзо. Ландясь ды састыне нолдызе вить кедькоморонзо ведентень. Икельганзо тей-тов укшность вежаськедеяк вишкине сияждыця калнэть, сэперькеть. Кечинекс кедькелензэ теезь, амольдясь ведь ды пургизе-начтызе мештензэ. Стямсто потензэ ланга чипаенть визьксэнь асодыця вановтто нолаштсть, теке сиянь эрьгинеть, цитниця ведьбайгинеть. «У-у-у, кодамо экшине!» – рунгонзо витемстэ таргизе «у-у-у»-ть сорныця вайгельсэ. Ялатеке тандавтниця кельмекс эзь маряво. Кедензэ кавто ёнов келемтезь, прок нармунь сёлмонзо, экшентень апак тонадо, сурневксэнь марязь, састо-састо совась ведентень – васня кумажава, мельганзо карксамга, седе верьга.

Поделиться:
Популярные книги

Локки 5. Потомок бога

Решетов Евгений Валерьевич
5. Локки
Фантастика:
юмористическое фэнтези
аниме
фэнтези
5.00
рейтинг книги
Локки 5. Потомок бога

Кротовский, может, хватит?

Парсиев Дмитрий
3. РОС: Изнанка Империи
Фантастика:
попаданцы
альтернативная история
аниме
7.50
рейтинг книги
Кротовский, может, хватит?

Зубных дел мастер

Дроздов Анатолий Федорович
1. Зубных дел мастер
Фантастика:
научная фантастика
попаданцы
альтернативная история
5.00
рейтинг книги
Зубных дел мастер

Великий род

Сай Ярослав
3. Медорфенов
Фантастика:
юмористическое фэнтези
попаданцы
аниме
5.00
рейтинг книги
Великий род

Тайны затерянных звезд. Том 1

Лекс Эл
1. Тайны затерянных звезд
Фантастика:
боевая фантастика
космическая фантастика
фэнтези
5.00
рейтинг книги
Тайны затерянных звезд. Том 1

Зеркало силы

Кас Маркус
3. Артефактор
Фантастика:
городское фэнтези
попаданцы
аниме
5.00
рейтинг книги
Зеркало силы

Газлайтер. Том 17

Володин Григорий Григорьевич
17. История Телепата
Фантастика:
боевая фантастика
попаданцы
аниме
5.00
рейтинг книги
Газлайтер. Том 17

Доктора вызывали? или Трудовые будни попаданки

Марей Соня
Фантастика:
юмористическая фантастика
попаданцы
5.00
рейтинг книги
Доктора вызывали? или Трудовые будни попаданки

Идеальный мир для Демонолога 8

Сапфир Олег
8. Демонолог
Фантастика:
боевая фантастика
юмористическая фантастика
аниме
5.00
рейтинг книги
Идеальный мир для Демонолога 8

Я тебя не отпущу

Коваленко Марья Сергеевна
4. Оголенные чувства
Любовные романы:
современные любовные романы
5.00
рейтинг книги
Я тебя не отпущу

Бандит 2

Щепетнов Евгений Владимирович
2. Петр Синельников
Фантастика:
боевая фантастика
5.73
рейтинг книги
Бандит 2

Измена. Мой заклятый дракон

Марлин Юлия
Любовные романы:
любовно-фантастические романы
7.50
рейтинг книги
Измена. Мой заклятый дракон

Младший сын князя

Ткачев Андрей Сергеевич
1. Аналитик
Фантастика:
фэнтези
городское фэнтези
аниме
5.00
рейтинг книги
Младший сын князя

Идеальный мир для Лекаря 3

Сапфир Олег
3. Лекарь
Фантастика:
фэнтези
юмористическое фэнтези
аниме
5.00
рейтинг книги
Идеальный мир для Лекаря 3