Чтение онлайн

на главную - закладки

Жанры

Даниловский молитвослов
Шрифт:

Радуйся, преподобне княже Данииле, Московский чудотворче.

Икос 1

Ангелов Творец и Господь во дни великих бед и напастей, обышедших страну нашу от нечестиваго царства агарянскаго, восхотев людем страждущим утешение даровати, яви тя, княже Данииле, яко плод красен от чресл великаго князя Александра; людие же о рождении твоем радости исполнившеся, взываху ти сицевая:

Радуйся,

корене благочестиваго прозябение;

Pадуйся, добродетелей отца твоего и матере наследниче.

Радуйся, рождением твоим люди града Владимира возвеселивый;

Pадуйся, грядущую славу Москвы предвозвестивый.

Радуйся, избранниче Божий;

Pадуйся, правило веры благочестивыя.

Радуйся, образе кротости духовныя;

Pадуйся, Бога, яко истиннаго Отца нашего, издетска познавый.

Радуйся, яко Иосиф, от братии твоея досаждения сладце претерпевый;

Pадуйся, последи и братию свою в любовь себе призвавый.

Радуйся, преподобне княже Данииле, Московский чудотворче.

Кондак 2

Видяще ближний твой, блаженне, день от дне во благочестии тя возрастающа, и не точию млеком матерним, но паче благодатию Божиею питаема, радовахуся и, Господа о сем хваляще, взываху:

Аллилуия.

Икос 2

Разум богопросвещен имея, уразумел еси, всехвальне, по словеси апостольскому, яко нужнейши всего есть благочестие, имже и потщался еси обогатити душу твою, в молитвах и научении словеси Божию всеусердно пребывая. Того ради людие ублажаху тя сице:

Радуйся, Молитвенниче теплейший;

Pадуйся, послушниче Евангелия усерднейший.

Радуйся, добродетели высокия в сердце твоем вкоренивый;

Pадуйся, в заповедех Господних вся дни живота твоего ходивый.

Радуйся, образом жития твоего мир посреде братии водворивый;

Pадуйся, Господа твоего паче всех возлюбивый.

Радуйся, положити душу свою за друга своя непрестанное желание имевый;

Pадуйся, благодать Господню в сердце свое заключивый.

Радуйся, и тело свое тою просветивый;

Pадуйся, оное и по смерти нетленно сохранивый.

Радуйся, преподобне княже Данииле, Московский чудотворче.

Кондак 3

Сила Вышняго укрепляше тя, блаженне, егда в кротости и в смирении души твоея возрастая, уготовлял еси себе на служение княжеское и о помощи небесней молился еси, взывая к Богу:

Аллилуия.

Икос 3

Имея присно в души твоей глагол Господень, пророку реченный: «На кого воззрю, токмо на кроткаго и

смиреннаго, и трепещущаго словес Моих», потщался еси, святе, оными добродетельми себе украсити. Того ради ублажаем тя сице:

Радуйся, подвижниче доблий, на высоту добродетелей возшедый;

Pадуйся, нищетою духовною Царствие Небесное стяжавый.

Радуйся, кротости ради землю обетования наследивый;

Pадуйся, правды и истины паче всего искавый.

Радуйся, чистотою сердца твоего Господа созерцавый;

Pадуйся, миротворец нарочит в житии своем явивыйся.

Радуйся, изгнания правды ради смиренно претерпевый;

Pадуйся, мзду вечную добродетельми стяжавый.

Радуйся, чистоты душевныя и телесныя сокровище;

Pадуйся, любве и кротости Христовы вместилище.

Радуйся, преподобне княже Данииле, Московский чудотворче.

Кондак 4

Бурею агарянского нашествия людие российстии потрясаеми, на тя, всечестне, яко на избранника Божия, взираху и, под кров твой державный прибегающе, защищение и утешение приимаху, вкупе с тобою взывающе Богу:

Аллилуия.

Икос 4

Видяще, святе, братия твоя отрока тя еще мала суща, наследия отча лишити тя умыслиша и удел малейший, Московский, точию вдати ти изволиша; ты же, кроток сый и незлобив, ничтоже противовещал еси и за обидящих тя Господеви молился еси. Сего ради ублажаем тя сице:

Радуйся, кротости Христовы подражателю;

Pадуйся, предивный нестяжателю.

Радуйся, удел твой малейший возвеличивый;

Pадуйся, всего себе воле Божией предавый.

Радуйся, от Него токмо Единаго помощи искавый;

Pадуйся, богатство тленное презревый.

Радуйся, сокровища духовная возлюбивый;

Pадуйся, от юности в благодати у Бога и человек возраставый.

Радуйся, и по скончании земнаго жития твоего тую же благодать сугубо восприявый;

Pадуйся, яко и мы благодати Божия по молитвам твоим сподобляемся.

Радуйся, преподобне княже Данииле, Московский чудотворче.

Кондак 5

Боготечной звезде подобяся, на земли течение твое светло совершил еси, благоверный княже Данииле, лучи святости и потоцы милости всем изливая; ихже ради и в сонме святых пребываеши, поя с ними:

Аллилуия.

Икос 5

Слышавше ближний и дальний, яко в малем еще граде Москве на высоте стола княжеского возоблистал еси, преславне княже Данииле, под сень крилу твоею притекаху, похвалы таковыя ти приносяще:

Поделиться:
Популярные книги

Жена со скидкой, или Случайный брак

Ардова Алиса
Любовные романы:
любовно-фантастические романы
8.15
рейтинг книги
Жена со скидкой, или Случайный брак

Невеста вне отбора

Самсонова Наталья
Любовные романы:
любовно-фантастические романы
7.33
рейтинг книги
Невеста вне отбора

Жена моего брата

Рам Янка
1. Черкасовы-Ольховские
Любовные романы:
современные любовные романы
6.25
рейтинг книги
Жена моего брата

Адмирал южных морей

Каменистый Артем
4. Девятый
Фантастика:
фэнтези
8.96
рейтинг книги
Адмирал южных морей

Прорвемся, опера! Книга 3

Киров Никита
3. Опер
Фантастика:
попаданцы
альтернативная история
5.00
рейтинг книги
Прорвемся, опера! Книга 3

Релокант. По следам Ушедшего

Ascold Flow
3. Релокант в другой мир
Фантастика:
фэнтези
попаданцы
рпг
5.00
рейтинг книги
Релокант. По следам Ушедшего

Неудержимый. Книга XVI

Боярский Андрей
16. Неудержимый
Фантастика:
фэнтези
попаданцы
аниме
5.00
рейтинг книги
Неудержимый. Книга XVI

Русь. Строительство империи 2

Гросов Виктор
2. Вежа. Русь
Фантастика:
попаданцы
альтернативная история
рпг
5.00
рейтинг книги
Русь. Строительство империи 2

Законы Рода. Том 4

Flow Ascold
4. Граф Берестьев
Фантастика:
юмористическое фэнтези
аниме
5.00
рейтинг книги
Законы Рода. Том 4

Полковник Империи

Ланцов Михаил Алексеевич
3. Безумный Макс
Фантастика:
альтернативная история
6.58
рейтинг книги
Полковник Империи

Сотник

Ланцов Михаил Алексеевич
4. Помещик
Фантастика:
альтернативная история
5.00
рейтинг книги
Сотник

Последняя Арена 7

Греков Сергей
7. Последняя Арена
Фантастика:
рпг
постапокалипсис
5.00
рейтинг книги
Последняя Арена 7

Дракон - не подарок

Суббота Светлана
2. Королевская академия Драко
Фантастика:
фэнтези
6.74
рейтинг книги
Дракон - не подарок

Плохой парень, Купидон и я

Уильямс Хасти
Любовные романы:
современные любовные романы
5.00
рейтинг книги
Плохой парень, Купидон и я