Молитвослов для готовящихся к Исповеди и Причастию (с раздельными канонами)
Шрифт:
1Господи, в покаянии приими мя. 2Господи, не остави мен'e. 3Господи, не введи мен'e в напасть. 4Господи, даждь ми мысль благу. 5Господи, даждь ми сл'eзы, и память см'eртную, и умил'eние. 6Господи, даждь ми помысл испов'eдания грехов моих. 7Господи, даждь ми смир'eние, целомудрие и послушание. 8Господи, даждь ми терп'eние, великодушие и кротость. 9Господи, всели в мя корень благих, страх Твой в с'eрдце мо'e. 10Господи, сподоби мя любити Тя от всея души моея
Господи Иисусе Христ'e Сыне Божий, ради Честн'eйшия Матере Твоея и безплотных Твоих Ангел, Пророка же и Предт'eчи и Крестителя Твоего, богоглаголивых же апостол, св'eтлых и добропоб'eдных мученик, преподобных и богоносных от'eц, и всех святых молитвами, избави мя настоящаго обстояния бесовскаго. Ей, Господи мой и Творче, не хотяй см'eрти гр'eшнаго, но якоже обратитися и живу быти ему, даждь и мне обращ'eние окаянному и недостойному; изми мя от уст пагубнаго змия, зияющаго пожр'eти мя и свести во ад жива. Ей, Господи мой, утеш'eние мо'e, Иже мен'e ради окаяннаго в тл'eнную плоть оболкийся, исторгни мя от окаянства, и утеш'eние подаждь души мо'eй окаянней. Всади в с'eрдце мо'e творити Твоя повел'eния, и оставити лукавая деяния, и получити блаж'eнства Твоя: на Тя бо, Господи, уповах, спаси мя.
К Теб'e Пречистей Божией Матери аз окаянный припадая молюся: в'eси, Царице, яко безпрестани согрешаю и прогневляю Сына Тво'eго и Бога моего, и многажды аще каюся, лож пред Богом обретаюся, и каюся треп'eща: не уж'eли Господь поразит мя, и по час'e паки таяжде творю; ведt ущи сия, t Владычt ице моя tГоспоже tБогородt ице, молю, да помилуеши, да укрепиши, и благая творити да подаси ми. В'eси бо, Владычице моя Богородице, яко отнюд имам в н'eнависти злая моя дела, и вс'eю мыслию люблю закон Бога моего; но не вем, Госпож'e Пречистая, откуду яже ненавижду, та и люблю, а благая преступаю. Не попущай, Пречистая, воли мо'eй совершатися, не угодна бо есть, но да будет воля Сына Твоего и Бога моего: да мя спас'eт, и вразумит, и подаст благодать Святаго Духа, да бых аз отс'eле престал сквернод'eйства, и проч'eе пожил бых в повел'eнии Сына Твоего, Емуже подобает всякая слава, честь и держава, со Безначальным Его Отц'eм, и Пресвятым и Благим и Животворящим Его Духом, ныне и присно и во в'eки веков. Аминь.
Благаго Царя благая Мати, Пречистая и Благослов'eнная Богородице Марие, милость Сына Твоего и Бога нашего изл'eй на страстную мою душу и Твоими молитвами настави мя на деяния благая; да прочее вр'eмя живота моего без порока прейду и Тобою рай да обрящу, Богородице Д'eво, едина Чистая и Благослов'eнная.
Ангеле Христов, хранителю мой святый и покровителю души и т'eла моего, вся ми прости, елика согреших во дн'eшний день, и от всякаго лукавствия противнаго ми врага избави мя, да ни в коемже грес'e прогн'eваю Бога моего; но моли за мя гр'eшнаго и недостойнаго раба, яко да достойна мя покажеши благости и милости Всесвятыя Троицы и Матере Господа моего Иисуса Христа и всех святых. Аминь.
Взбранной Воеводе победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую, от всяких нас бед свободи, да зов'eм Ти: радуйся, Нев'eсто Ненев'eстная.
Преславная Приснод'eво, Мати Христа Бога, принеси нашу молитву Сыну Тво'eму и Богу нашему, да спас'eт Тобою души наша.
Все упование мо'e на Тя возлагаю, Мати
Богородице Д'eво, не пр'eзри мен'e гр'eшнаго, тр'eбующа Тво'eя помощи и Твоего заступл'eния, на Тя бо упова душа моя, и помилуй мя.
Упование мо'e От'eц, приб'eжище мо'e Сын, покров мой Дух Святый: Троице Святая, слава Тебе. Достойно есть яко воистинну блажити Тя, Богородицу, Присноблаж'eнную и Пренепорочную и Матерь Бога нашего. Честн'eйшую Херувим и славнейшую без сравн'eния Серафим, без истл'eния Бога Слова рождшую, сущую Богородицу Тя величаем. (Поклон.)
[От Пасхи до Вознесения вместо этой молитвы читается припев и ирмос 9-й песни Пасхального канона:
Ангел вопияше Благодатней: Чистая Д'eво, радуйся! И паки реку: радуйся! Твой Сын воскр'eсе тридн'eвен от гроба и м'eртвыя воздвигнувый; людие, веселитеся!
Светися, светися, новый Иерусалиме, слава бо Господня на Теб'e возсия. Ликуй ныне и веселися, Сионе. Ты же, Чистая, красуйся, Богородице, о востании Рождества Тво'eго.
В двунадесятые праздники читается задостойник праздника.]
Слава, и ныне: Господи, помилуй. (Трижды.)
Господи Иисусе Христ'e, Сыне Божий, молитвами Пречистыя Твоея Матере, преподобных и богоносных от'eц наших и всех святых, помилуй и спаси нас, яко Благ и Человеколюбец. Аминь.
Когда хочешь возлечь на одр свой, читай следующие молитвы:
Владыко Человеколюбче, не уж'eли мне одр сей гроб будет, или ещ'e окаянную мою душу просветиши днем? Се ми гроб предлежит, се ми смерть предстоит. Суда Твоего, Господи, боюся и муки безкон'eчныя, злое же творя не престаю: Теб'e Господа Бога моего всегда прогневляю, и Пречистую Твою Матерь, и вся Неб'eсныя силы, и святаго Ангела хранителя моего. Вем убо, Господи, яко недостоин есмь человеколюбия Твоего, но достоин есмь всякаго осужд'eния и муки. Но, Господи, или хощу, или не хощу, спаси мя. Аще бо праведника спас'eши, ничтоже в'eлие; и аще чистаго помилуеши, ничтоже дивно: достойни бо суть милости Твоея. Но на мне гр'eшнем удиви милость Твою: о сем яви человеколюбие Тво'e, да не одол'eет моя злоба Тво'eй неизглаголанней благости и милос'eрдию: и якоже хощеши, устрой о мне вещь.
Просвети очи мои, Христ'e Боже, да не когда усну в смерть, да не когда реч'eт враг мой: укрепихся на него.
Слава: Заступник души моея буди, Боже, яко посред'e хожду сет'eй многих; избави мя от них и спаси мя, Блаже, яко Человеколюбец.
И ныне: Преславную Божию Матерь, и святых Ангел Свят'eйшую, немолчно воспоим с'eрдцем и усты, Богородицу сию испов'eдающе, яко воистинну рождшую нам Бога воплощ'eнна, и молящуюся непрестанно о душах наших.
Знаменуй себя крестом и говори молитву Честному Кресту:
Да воскр'eснет Бог, и расточатся врази Его, и да бежат от лица Его ненавидящии Его. Яко исчезает дым, да исч'eзнут; яко тает воск от лица огня, тако да погибнут б'eси от лица любящих Бога и знаменующихся кр'eстным знамением, и в вес'eлии глаголющих: радуйся, Пречестный и Животворящий Кр'eсте Господень, прогоняяй б'eсы силою на Тебе пропятаго Господа нашего Иисуса Христа, во ад сш'eдшаго и поправшаго силу диаволю, и даровавшаго нам Теб'e Крест Свой Честный на прогнание всякаго супостата. О, Пречестный и Животворящий Кр'eсте Господень! Помогай ми со Святою Госпож'eю Д'eвою Богородицею и со вс'eми святыми во в'eки. Аминь.