Народная ворожба и гадания
Шрифт:
Мнози врази возстанут на тя, не убояся их. Рече Господь человеку: печально дело твое, есть врази в деле сем. Бог спасет тя, а дело твое с радостью совершится. Бог тебе на помощь: одолеешь.
Мнози воссташа на тя, лют есть путь, смущен ты. — Рече Господь Бог человеку: не велит скорбети тебе, ни тужити от велика времени и печального, и в мятеж приходит орудие твое, не твори его, несть ти в нем пользы.
Лют
Милосердо дело твое приходит. — Святый плотский ангел, седяй на селе моем; примеши село, пожнешь с благословением многим, всыплешь в житницу свою, исполнится дом твой благодати. Бог тебе на помощь, и святый Илия в орудии сем, от печали в радость приходит.
Вол разрешися и выйдет в поле и встретит льва и боится: тако и ты, человече, убоишься. Молися Богу: добро тебе будет, Бог на помощь.
Яко не веси ли, печаль будет. — С небеси приходит на землю на престол. Что ты, человече, мыслишь, на то и пойди: Господь спасёт тя, и свершится дело твое и забудется вскоре.
Мзду имать орудие твое. Се лето настанет, весна украшается, земля и небеса расплодятся, и трава возрастет, и расцветет былие травное; так и ты, человече, молися Богу не на чаемую радость, и твое орудие от печали в радость придет.
Птица гнездо совьет и воскормит себе дети; и пришед змея, и поест их. И птица горько плачущи; тако и ты, человече, вострепещеши в той день; но временно бедствуюши; на радость приеде, орудие сие свершится.
Великая радость тебе с прибытком будет. — Праведное солнце заряжается от заряжается от красные зори и осветит всю вселенную, и мир возрадуется, и вся вселенная праведному солнцу; так и ты, человече, возрадуешься орудию своему. Бог тебе на помощь.
Дело твое борзо будет. — Нараменье, дубровы, горы и холми, и озера великие, и реки быстрые текущие, и есть путь лежит велик, так и ты, человече, пойди, не печалуйся будет орудие твое от печали в радость. Бог тебе на помощь.
Зло дело твое, печалию к радости придет. — От дуба, человече, в дубраву не мечися: убог еси, человече, мыслиши из добрые воли на лихое дело на проклятое. Несть пользы николиже; молися Богу, совершится на радость.
Веруй всем сердцем: сбудется. — Яко же виноград и ягоды все светло, от всего винограда, как поспеет, весь мир озобает; так ты, человече, скорбиши о последней печали, возрадуешься. Бог тебе на помощь.
Дело
Долгота животу приходит. — Яко голубь летит в иную страну, тамо хочет сыт быти и дети своя насытити, и опочинутися. Так и ты, человече, возрадуешься орудию твоему. Бог тебе на помощь.
С пакостию дело твое приходит. — Стоит древо зеленое, листие уныло у него, а цвет зелен; так и ты, человече, не вовремя унываешь, не твори орудия сего, не добро будет.
С пакостию и трудом дело се. — Якоже ластовица совьет гнездо себе в прутие березовом, и пришед злая змия-скорпия дети ея пояла, и вострепетала ластовица и села, верх сыра дерева сердечи, горько плачучи; так и ты, человече, вострепещеши в тот день; нее вовремя ти будет; не твори орудия сего.
Велика благодать ти будет. — Якоже заря весь мир просвещает, так и ты, человече, орудие твое просветится. Бог тебе на помощь.
Велика благодать ти будет, Помилует тя Бог. — Якоже жена дитя родити начнет, велики печали начнет и тужити, что умрет или живо будет отроча; когда родит, возрадуется по рождению: так и ты, человече, возрадуешься орудию своему. Бог тебе на помощь.
Мнози врази восстанут на тя. — Злой час плачет, а убожие бороду дерет, врази разойдутся, печаль придет. О, горе, беда, погибель! Тако и ты, человече, лишися орудия сего: несть пользы.
От печали в радость приходит. Зла избавляет некую жену от диявольские лети и от еллинския руки; так и ты, человече, избавлен будеши и от печали в радости от смерти в живот приходишь. Бог тебе на помощь.
Пострадавшие и спасешиеся. — Рече Господь человеку: орудие твое связано было, а ныне от Бога разрешено будет: малое время потерпи. Бог тебе на помощь: от печалив радость приходит орудие твое.
Молися Господу Богу, и поможет ти. — Господь Бог рече человеку: ничего не думай зла дела. Бог помощник и великий Мина от печали избавит тя; но не тужи, пойди на свое дело с Богом, где хочеши, там ти добро будет. Бог тебе на помощь, и великий Мина от печали избавит тя.
В свет приходит орудие твое. — Якоже корабль правится веслы своими на море и приде на место; так твой промысел извлечется, да исправит ны Бог, посе печали радость будет. Бог тебе на помощь и великий Стефан служитель.