Различные записки и выписки
Шрифт:
21. Из главы Исихия Пресвитера.
2. Великий законоположник Моисей, паче же Дух Святый, показуя непорочность и чистоту, и многовмещение и высокотворность сея добродетели (духовного трезвения), и уча нас, как сие начинати и совершати подобает, внемли себе, глаголет, да не будет слово тайно в сердце твоем беззакония, словом тайным единомысленное представление — именуя вещи некия лукавыя и богоненавистныя, еже и прилогом называют Отцы, приносимым сердцу от диавола, ему же последуют помыслы наши, абие по представлении оного уму, и страстне
20. Подобает подвизающемуся внутрь, во всякое мгновение времени имети четыре сия: смирение, крайнее внимание, противоречие и молитву. Смирение, яко с гордыми бесами противными имеет оно брань, да помощь Христову в руце сердца имать; зане Господь гордых ненавидит. Внимание же, да присно сердце свое творит ни единого помысла имети, аще бы и благ являлся, противоречие же, да егда скоро уразумеет пришедшего, абие со гневом противословит лукавому. И отвещаю, глаголет, поношающим ми злая. Не Богу ли повинется душа моя? (Пс. 118, 42, и 61, 2) Молитву же по противоречию абие да возопиет ко Христу с воздыханием безмолвным. И тогда сам подвизаяйся узрит врага разрушающася, или прогоняема поклоняемым именем—Иисус, яко прах от ветра, или яко дым исчезающий с мечтанием его.
22. Рече никто от Святых:
198. Льстивый друг есть плоть, и угождаема паче брань творит. И абие вражду стяжи к телу и брань со чревом.
202. Несть яда, паче яда аспида и василиска; и несть злобы, паче злобы самолюбия. Исчадия же самолюбия, змеи летающия, имевши сии: похвальбы в сердце, самоугодие, чревобесие, блуд, тщеславие, зависть, и верх всем — гордость, яже совлекати весть не человеки точию, но и Ангелы с небес и мраком вместо света облекати.
172. Горе внутреннему от внешнего: зело бо оскорбится внутренней человек от внешних чувств, и оскорбившися раны причиняти будет внешним чувствам.
Из глав Исихия Пресвитера.
23.
От старчества истолкование на пострижение монахов. Транквилиона, часть 2–я. Почто именуется инок?
Инок есть всех исполнитель заповедей Христовых, совершение христианства, бездна смирения, столп терпения, память незабытная смерти, источник неоскудный слезного течения, сокровище чистоты, рачитель смиренномудрия, ругатель телесных, попратель всех красных и прелестных мира сего, самовольное умерщвление или самовольный мертвец, повседневный мученик и нуждник, богоприятная жертва, присногорящий светильник премудрости духовныя, ум просвещенный…
24.
Возлюби Господа твоего от всея души, и страх его да приидет ти в сердце. Прав буди и истинен, кроток и смирен, покорлив, долу поник зря, ум же к небеси простирая, умилен к Богу, и человеком приветлив, печальному утешитель и терпелив буди в напастех, к нищете щедр и милостив кормитель и странноприимник скорбен о Бозе, алчен и жажден, и кроток, не славоохотен, ни златолюбец, ни горд, но богобоязнен, пред царем готов в повелениях его, в ответех сладок, часто молитвенник к Богу, и разумен трудник, не осудитель всякого человека, поборник
Выписка из Пролога, июля 15–го.
25.
Желание постнического жития—должно быть желание ангельского образа не от нужды и насилия, но благим изволением.
Пребывати в монастыре до последнего издыхания. Хранить девство, и целомудрье, и благоговение. Хранить послушание к настоятелю и ко всей братии. Терпеть всякую скорбь и тесноту монашеского жития ради царствия небесного.
26.
Не гневайся. Не пожелай. Аще кто тебя ударит в десную ланиту; обрати ему и другую. —Друг Христов будеши.
27.
Не от видимых злых воздержание совершенство есть, но очищение от оных ума, —сие истинное совершенство есть.
28.
Св. Георгий, прозванный новым, сказал сам себе: О Георгий! почто стоишь? Христос тебя зовет!!! Господь же вещал к мученику: —не бойся мук, имущих быть тебе: Аз бо есмь с тобою, и не имут вредити тя наветы человеческие.
29.
Крест претерпевый, и смерть упразднивый, и воскресни из мертвых, умири нашу жизнь, Господи, яко един всесилен.
30. Правила келейные. Святого Димитрия, Митрополита Ростовского
1. От сна воставшу ти, первая мысль буди о Бозе, первое слово к Богу.
2. Поклонися, воздаждь благодарение к Богу, воздвигшему от сна, непогубившему со беззаконии, долготерпеливно ожидающему твоего обращения.
3. Положи начало к лучшему, рех: ныне начах и проч. Путь к небеси никто же добре совершает, разве кто на всякий день добре начинает.
4. С утра буди в молитве Серафим, в делах Херувим, в обхождении Ангел.
5. Времени отнюдь вотще не изнуряй, кроме нужных управлений.
6. Во всех делах, и словесах, и в помышлениях ум имей в Бозе, ни написуй во уме что ино, кроме Христа.
7. К любви Божьей себе возбуждай всячески, елико можеши, а наипаче рассуждением, глаголя: в поучении моем разгорится огнь.
8. Непрестанно любити Бога, и того присутствование внутренними очесы зрети, и его ради вся смиренно и сыновскою боязнью твори, мысли, глаголи.
9. Кротость с похвалою, смирение с честностью буди.
10. Слово тихо, смиренно, честно и полезно буди; молчаливость же да рассуждает словеса, яже имаши глаголати. А праздное и гнилое слово отнюдь да не исходить из уст твоих.
11. Смех, аще случится, до осклабленяя токмо буди, и то не часто.
12. Ярости, свирепства и неистовства блюдися: во гневе же умеренна имей себе.
13. В ядении и питии воздержание да хранится всегда.
14. Во всякой вещи снисходливый буди; Бог тя ублажит, такожде и люди похвалят.
15. Смерть всему конец, о которой всегда мыслити должно.
31. Из сочинений Преосвященного Тихона.
Страстолюбие есть внутреннее и душевное идолослужение, потому что работающие страстям почитают их внутренним сердца покорением, как идолове.