Великопостный служебник. Службы Великого поста. Пособие для священнослужителей
Шрифт:
Лик: Господи, помилуй.
О Граде сем, (или веси сей, или о святей обители сей) всяком граде, стране, и верою живущих в них, Господу помолимся.
Лик: Господи, помилуй.
О благорастворении воздухов, о изобилии плодов земных и временех мирных, Господу помолимся.
Лик: Господи, помилуй.
О плавающих, путешествующих, недугующих, страждущих, плененных и о спасении их, Господу помолимся.
Лик: Господи, помилуй.
О избавитися нам от всякия скорби, гнева и нужды, Господу помолимся.
Лик: Господи,
Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Пресвятую, Пречистую, Преблагословенную, славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.
Лик: Тебе, Господи.
Лик: Аминь. «Господи, воззвах…», и поют стихиры по уставу.
ЛИК: И ныне: Богородичен.
Совершается вход с кадилом.
Молитва входа
Вечер, и заутра, и полудне хвалим, благословим, благодарим и молимся Тебе, Владыко всех: исправи молитву нашу, яко кадило пред Тобою, и не уклони сердец наших в словеса, или в помышления лукавствия, но избави нас от всех ловящих души наша, яко к Тебе, Господи, Господи, очи наши, и на Тя уповахом, да не посрамиши нас, Боже наш.
Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков. Аминь.
Лик: Свете Тихий…
Прокимен великий, глас 8-й: «Не отврати…» чередуется со 2-м великим прокимном: «Дал еси…»
Стих: Спасение Твое, Боже, да приимет мя.
Стих: Да узрят нищии, и возвеселятся.
Стих: Взыщите Бога, и жива будет душа ваша.
Царские врата закрываются
Чтец: Сподоби, Господи…
В это время ИЕРЕЙ и ДИАКОН снимают светлое облачение и облачаются
Исполним вечернюю молитву нашу Господеви.
Лик: Господи, помилуй.
Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Вечера всего совершенна, свята, мирна и безгрешна, у Господа просим.
Лик: Подай, Господи.
Ангела мирна, верна, наставника, хранителя душ и телес наших, у Господа просим.
Лик: Подай, Господи.
Прощения и оставления грехов и прегрешений наших, у Господа просим.
Лик: Подай, Господи.
Добрых и полезных душам нашим и мира мирови, у Господа просим.
Лик: Подай, Господи.
Прочее время живота нашего в мире и покаянии скончати, у Господа просим.
Лик: Подай, Господи.
Христианския кончины живота нашего, безболезненны, непостыдны, мирны, и добраго ответа на Страшнем Судищи Христове, просим.
Лик: Подай, Господи.
Пресвятую, Пречистую, Преблагословенную, славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.
Лик: Тебе, Господи.
Лик: Аминь.
Лик: И духови твоему.
Лик: Тебе, Господи (протяжно).
Господи Боже наш, приклонивый небеса, и сошедый на спасение рода человеческаго, призри на рабы Твоя и на достояние Твое: Тебе бо Страшному и Человеколюбцу Судии Твои раби подклониша главы, своя же покориша выя, не от человек ожидающе помощи, но Твоея ожидающе милости и Твоего чающе спасения; яже сохрани на всякое время, и по настоящем вечере, и в приходящую нощь от всякаго врага, от всякаго противнаго действа диавольскаго, и от помышлений суетных и воспоминаний лукавых.
Лик: Аминь. Стихиры на стиховне по уставу. «Ныне отпущаеши…»
Чтец: Трисвятое, по Отче наш.