Забытый Иерусалим. Стамбул в свете Новой Хронологии

Фоменко Анатолий Тимофеевич

Сие же разумей о болшом Баистане, ибо в меншем Баистане, еже имеет свод на 16 столпех, продают токмо полотна и материи бумажныя и мешаныя с шолком. Имеет же в себе четверы ворота двойные; а около его отвне продают пленников различных народов, от них же едины суть уже ученыя в различных работах и стоят особно, иныя, иже недавно в неволю взяты, такожде особно, и паки особно, иже продают мамок, и иных жен такожде особно. Пошлина от тех пленников чинит шестьнадесять червонных золотых откупу на год.

Глава 5

О пошлинах и доходах градских

Понеже убо помянухом с прилучня в прежней главе пошлину от

пленников и от продажи старых товаров, такожде доход от лавок в Баистанех учиненных, дело достойное возмнелося мне и прочия доходы или пошлины от художников припомнити.

Елико ведать мощно от откупщиков, иже те доходы откуплю<т> в казне погодно, прежде подобает положити корчемницы или домы корчемныя, в них же продают вино христиан ради [и для турк<ов> сокровенно, ибо им по закону Махометову заказано вина пити, и егда на кого то объявится, того жестоко жезлением наказуют], а есть тех корчемниц по спискам полтыри тысящи. С них же доходит пошлин на всякой год тритцать шесть кариков. Кийждо карик учиняет червонных златых 1633.

Потом продают рыбу в девяти местех, паче же на брегу заливы морской противо Галаты, и дают от них годовыя пошлины 18 кариков. Есть еще место, идеже продают овес, ячмень, отруби коней ради, такожде муку на хлебы и овощи различныя. От того дают пошлины 14 кариков на год.

Потом от различнаго коренья и товаров, их же во град привозят из пригородков морских, почести от Галиполя даже до Чорнаго моря, идеже бывают складываны с судов морских и еже на ослах и верблюдах привожены бывают, а по том по воли во времена своя во град положены бывают, учинит пошлины 180 кариков на год.

Еще места за градом, названным Ятки, идеже различной скот бьют, устроенной во граде на розныя места привозят. Числом тех мест десять, а поставлены суть на розных местех подалеку едина от другиа. Те сотворяют годоваго доходу 32 карика. Великий же наипаче прибыток бывает в дву месяцех: в октябре, в ноябре — ибо в те времяна наипаче пригоняют скот из венгер, из волохов и от стран Славенских.

Ибо в это время общий народ пищу себе на весь год готовят, иныя сушат, иныя солят, и мяса свиныя всякий христианин на свою потребу и пропитание приготовляет [ибо турки не ядят свиного мяса]. Бывает сия волныя продажи двадесять четыре дни. И в то время мясником не велено ничтоже купити, дабы народ общий доволство свое исполнил. И не дают тогда толикия пошлины, яко во ино время. И тако во оное малое время, донеле же тот волной торг бывает, приводится до 20 000 волов, 40 000 баранов, еже все общий народ раскупят.

Есть еще пошлина и доход на султана от продажи вещей недвижемых, еже есть кто продаст дом, или пашню, или огород, еже около Константинаграда [ибо уезд его считается на 18 миль италийских]. К тому еще считается продажа судов, по морю ходящих. Егда кто продаст корабль или каторгу малую или болшую, должен кийждо дать, егда денги емлет, ото ста золотых два золотых на султана.

Такожде и те, иже литкуп судят, от того своего прибытка, еже от литкупа возмет, должны суть дать от ста пулов един пул пошлины султану. Инако же, аще бы уведал откуду инуду зборщик пошлины, иже в казне откупает, егда сами те не сказали, за то бывают жестоко наказани по воле и постановлению того зборщика. Бывает таковых пошлин, иже от продажи вещей недвижимых, 14 кариков на год.

Есть еще пошлина и от голов человеческих, иже морем из града выезжают. И невозможно ни единому судну от берега двигнутися, даже первое зборщики пошлинный то судно осмотрят и уведают, кто едет, и куды, и что везет с собою. И аще есть турок, должен дати от себе одну аспру, аще же христианин или жид, то две аспры от главы. Паче же тамо дозирают, дабы кто пленника, или неволника какого не вывез, или должника бегающаго. Сего доходу бывает 4 карика на год.

Поголовья, еже

з лендов [его же турки хараб называют], збирается немало на год, ибо их в том городе немалое множество и кождо мужеска полу человек должен дать от себе червонной золотой на год, кроме трехъсот жидов, которые суть в службе султанской и имеют особную волность. Кроме той поголовъщины дают жидове конъстантиноградския на всякой год по 3000 червонных от божниц своих, дабы насиловани не были. И на всякой год при отдании тех червонных емлют подтвержение своему учителю, иже есть началный над всеми божницами, яко бы патриарх над всеми жиды, иже в Греции пребывают.

Такожде от места, идеже погребаются, дабы им волно было в покое на едином месте за градом погребатися, дают 1200 червонных золотых на год. К тому греки домы те замыкают и ключи до перваго капитана относят, а егда отмыкати, тогда той пошлет порутчика своего врат оных отмыкать, ибо всякой от тех капитанов имеет четырех порутчиков под собою, их же называют баляхи басси [15] .

Глава 6

О судех и праве турецком

15

Далее в рукописи следует 7-я глава, 6-я глава отсутствует, нумерация глав уточнена ред.

Мнится мне, яко не тако есть во всех областех турецких, яко в Константинограде суды совершаются и права их, аще которыя грады малыя или великия, нежели Константинъград. Обаче поведение и чин всюду един есть, яко и сами поведают.

В Константинеграде четыре судии суть, в четырех странах града пребывающия скорейших ради управлений дел, творящихся между общим народом, их же они своим языком называют кади.

Посреди же града пребывает началный судна, его же называют кады-бонвил, еже есть великой судиа. Обаче такия же есть судии во Алеппе, в Каире, в Дамаску, во Александрии и во иных градех началных. Того ради онаго константиноградскаго судию, различия ради от оных судей, называют стамбул-кады, то есть константиноградской судия, еже главныя и прилучающияся дела разсуждает.

И оныя четыре судии не дерзают никого на смерть осуждати без того ведома и подтверждения своего изречения. Такожде и во иных градских делех от них аппелляция к тому же великому судии.

Есть еще другой великий судиа, названной сеи-бассий, еже на всякой день объезжает юзников градских, и сам суды своя управя поведает о них везирю на кийждо вечер, и дает ведомость о всяком юзнике, за что кто содержим есть. Сей имеет у себе четырех поручиков, от них же всякой имеет по 40 воинов с собою, с ними же обходит свою часть града, оглядающи, аще не обретаются гуляки какия и не бывает ли по ночам разбоев.

То узилище крепко стенами каменными ограждено и разделено надвое, имеющи два подворья, и посреди две великия фонтаны, и храмины — в них же юзники или дел ради градских, или в долгах, или на смерть осужденные, со сводами суть толстыми. Которыя к смерти осуждени, сидят во особом юзилищи ниже, а еже долгов ради, те выше, особно христиане, особно жиды, особо турки. И обретается там юзников до дву тысящ.

Милостыни дают тамо турки неисповедимое множество, паче же пищи к ядению вседневному толико, яко и стража, иже стрежет их, кормятся от них доволно, ибо сами юзники не возмогают всего того поядати. Множицею же и сам султан посылает проведывати тамо, много ли тут содержится юзников от должников. И аще который обрящется содержим долгом менши ста ефимков, то всякого своим сокровищем откупает. Аще же который обрящется в них нарочитой человек, паче же воинской, тогда и неколико тысящ ефимков повелит за него дати, дело милосердия над ним являющи.