Пути блаженных. Ксения Петербургская. Матронушка-Босоножка. Мария Гатчинская. Любушка Сусанинская
Шрифт:
Радуйся, святая преподобная мати наша Марие, мученице Христова и наставнице богомудрая!
Кондак 10
Спасти хотя душу свою, Богомудрая Марие, смирение крестное вкупе со иными добродетельми в дар Господу принесла еси, уничижающим, мучащим и гонящим тя николиже противляяся; пристанище последнее земнаго жития твоего в мрачней лечебнице темничней обрела еси, идеже ты вслед апостолу помышляла еси «аще бо живем, Господеви живем, аще бо умираем, Господеви умираем» (Рим. 14:8); благодатию Христовой
Икос 10
Стену необориму стяжала еси благодать Господню, блаженная мати Марие, защищающую тя от враг невидимых, не могущих души твоея погубити: достойна бо тоя благодати явилася еси богоугодными труды твоими и умиленными молитвами и велиим упованием на Распятаго Спасителя, веровала бо еси несомненно, яко смерть тела не есть конец, что Сам Христос есть путь в святыне веры и в лице Своем – истина, и в таинствах благодатных, и в существе своем – жизнь безконечная. Мы же, неизреченное величие любви твоея к Богу воспеваем и велией вере твоей подражати желая, таковыя похвалы смиренне приносим ти:
Радуйся, во испытаниях своих веру крепку, яко Авраам, явившая;
Радуйся, в злостраданиях терпение твердое, яко Иов, показавшая;
Радуйся, не суетному унынию, но Божьему благоволению себе предавшая;
Радуйся, Христу Богу в кротости и смирении подражавшая;
Радуйся, во гласе пения ангельскаго на небо душею твоею воспарившая;
Радуйся, мученический полк и праведных лики на небесех возвеселившая;
Радуйся, с девствующими, яко девственница возвеличенная;
Радуйся, венцем нетленным от руки Христовы увенчанная;
Радуйся, святая преподобная мати наша Марие, мученице Христова и наставнице богомудрая!
Кондак 11
Пение хвалебное приносим тебе, богоносная мати наша Марие, и с любовию припадающе ко изображению честнаго лика твоего, восхваляем ангелоподобное житие твое и мученическую кончину. Ты же, предстоя престолу Пресвятыя Троицы, не престай моляся о нас, ублажающих тя, купно со всеми новомучениками и исповедниками российскими, да сподобимся небеснаго селения достигнути и гласом радования воспети Богу ангельскую песнь: Аллилуиа.
Икос 11
Свет Христов, просвещаяй и освящаяй всяческая, озари душу твою, страстотерпице богомудрая, темже и по кончине твоей честныя мощи и иконныя подобия лика твоего неоскудно источают исцеления, утешение и радость всем болящим, скорбящим и унылым, подвизая оных подражати тебе во исповедании, терпении, мужестве и крепцей любви ко Христу, еюже пламенея, дивный образ терпения в злостраданиих явила еси и нас научаеши воспевати тебе тако:
Радуйся, телеса наша прикосновением к раце мощей твоих врачуеши;
Радуйся, души наши молитвами твоими к райскому блаженству возводиши;
Радуйся, любити Бога и творити волю Его нас наставляющая;
Радуйся, от заблуждений духовных нас свобождающая;
Радуйся, всех
Радуйся, из пучин отчаяния к свету надежды нас возводящая;
Радуйся, от закваски фарисейской нас ограждающая;
Радуйся, от праздности и слабости духа исцеляющая;
Радуйся, святая преподобная мати наша Марие, мученице Христова и наставнице богомудрая!
Кондак 12
Благодати обитающей в тебе дивящеся, величаем тя, преподобная мати наша Марие: веруем, яко дела Божия на земли совершив, и страдания велия претерпев, ныне с Господем во обителех Его почиваеши, призирая на нас с высоты небесныя, и приклоняя к нам вышнее милосердие. На твое заступление надеющеся, и на благодатную помощь твою уповающе, поем Дивному во Святых Своих Богу: Аллилуиа.
Икос 12
Поюще твоя крепкия подвиги, почитаем страдания твоя, хвалим долготерпение твое, ублажаем твою кончину, прославляем твое, в женстем естестве показавшееся непобедимое мужество, имже на земли и на небеси прославилася еси, святая преподобномученице Марие, и твоих ради победоносных подвигов и страданий похвальная восписуем ти и просим тя, мати святая, укрепи в житии добродетельнем и научи нас, да возможем святому твоему житию подражатели быти и благодарственно восхвалим тя сице:
Радуйся, тяжкия и неисцельныя болезни телес наших исцеляющая;
Радуйся, внутренний мрак душ наших светом Христовым озаряющая;
Радуйся, пламень молитвы в сердцах наших возжигающая;
Радуйся, подлинной любви христианской всех научающая;
Радуйся, друг друга тяготы носити нас наставляющая;
Радуйся, к небесам умы и сердца наши обращающая;
Радуйся, от вражды друг к другу христиан исцеляющая;
Радуйся, радостию духовней души наши наполняющая;
Радуйся, святая преподобная мати наша Марие, мученице Христова и наставнице богомудрая!
Кондак 13
О всехвальная святая преподобномученице Марие. Нынешнее наше моление приемши, от всякия болезни, напасти, клеветы человеческия и от враг видимых и невидимых нас избави, да тихое и мирное житие поживше во юдоли земной, блаженство райское на небеси наследим и купно с тобою сподобимся Святых Святейшему Слову выну воспевати песнь: Аллилуиа.
Этот кондак читается трижды, затем читаются Икос 1 «Ангелов и человеков…» и Кондак 1 «Избранней Предвечным Господом».
Любушка Сусанинская
Родилась 17 сентября 1912 года,
скончалась 11 сентября 1997 года.
Любушка Сусанинская не причислена Православной Церковью к лику святых, но еще при жизни ее почитали как молитвенницу и чудотворицу. Некоторые даже сравнивали ее жизнь с жизнью Ксении Петербургской, называя новой Ксенией XX века.
Жизнь блаженной Любушки