Я могу вам помочь. Защитная книга для пожилых людей. Советы на все случаи жизни
Шрифт:
Молитва «Да воскреснет Бог»
Да воскреснет Бог, и расточатся врази Его, и да бежат от лица Его ненавидящий Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога, и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго, и поправшаго силу диаволю, и даровавшаго нам тебе, Крест Свой Честный, на прогнание всякаго супостата.
О Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.
Молитва
Господи Иисусе Христе, Сыне Божий, огради мя святыми Твоими ангелы, молитвами Всепречистыя Владычицы нашея Богородицы и Приснодевы Марии, силою Честнаго и Животворяща-го Креста, святаго архистратига Божия Михаила и прочих Небесных сил бесплотных, святаго пророка, Предтечи и Крестителя Господня Иоанна, святаго апостола и евангелиста Иоанна Богослова, священномученика Киприана и мученицы Иустины, святителя Николая, архиепископа Мир Ликийских, Чудотворца, святителя Льва, епископа Катанскаго, святителя Никиты
Новогородскаго, святителя Иоасафа Белгородскаго, святителя Митрофана Воронежского, преподобнаго Сергия, игумена Радонежскаго, преподобных Зосимы и Савватия Соловецких, преподобнаго Серафима Саровскаго, чудотворца, святых мучениц Веры, Надежды, Любови и матери их Софии, святаго мученика Трифона, святых и праведных богоотец Иоакима и Анны и всех святых Твоих, помози мне, недостойному рабу Твоему (имя молящагося), избави мя от всех навет вражиих, от всякого зла, колдовства, волшебства, чародейства и от лукавых человек, да не возмогут они причинити мне никоего зла.
Господи, светом Твоего сияния сохрани мя заутра, и полудне, и вечер, и на сон грядущаго и силою благодати Твоея отврати и удали всякая злая нечестия, действуемая по наущению диавола. Аще кое зло замыслено или соделано есть, возврати его паки в преисподнюю. Яко Твое есть царство, и сила, и слава, Отца и Сына и Святаго Духа. Аминь.
Молитва Богу Отцу
Благодарим Тя, Господи Боже наш, о всех благодеяниях Твоих яже от первого возраста до настоящего, в нас, недостойных рабех Твоих (имена), бывших, ихже вемы и не вемы, о явленных и не явленных, яже делом бывших и словом: возлюбивый нас якоже и Единородного Твоего Сына о нас дати изволивый, сподоби и нас достойны быти Твоея любве. Даждь словом Твоим мудрость и страхом Твоим вдохни крепость от Твоея силы и аще что хотяще и нехотяще согрешихом прости и не вмени и сохрани душу нашу святу и представи ю Твоему Престолу и совесть имущу чисту, и конец достоин человеколюбия Твоего, и помяни, Господи, всех призывающих имя Твое во истине, помяни всех, блага или сопротивная нам хотящих: вен бо человецы, и всуе всяк человек; темже молимся Тебе, Господи, подаждь нам Твоего благоутробия велию милость.
Молитвы ко Господу Иисусу Христу
Господи Иисусе Христе, Боже мой, покрый мя и раб Твоих (имена) от злобы супостата нашего, зане сила его крепка, естество же наше страстно и сила наша немощна. Ты убо, о Благий, сохрани мя от смущения помыслов и потопа страстей. Господи, Пресладкий мой Иисусе, помилуй и спаси мя и рабов Твоих (имена).
Господи Иисусе Христе, хотяй всем человеком спастися, услыши молитву мою, молитвами святых апостол Твоих, яко тии молятся за ны, молением их спаси мя, грешнаго, и рабов Божиих (имена), исцели болезни сердца моего, уврачуй струпы души моея,
Господи Иисусе Христе, Спасителю наш! Пред иконою Твоею припадающе, всеусердно молим Тя: помилуй и спаси нас, недостойных раб Твоих (имена), от внезапныя смерти и человеческого оклеветания; и от всякаго зла защити и помилуй нас, Господи. Яко Ты еси Бог наш, да не погубиши нас во веки веков.
Молитвы за ближних
Господи, благослови меня принести молитвы и моления Твоему благоутробию о моем ничтожестве и о всех моих родных и знакомых, как здравствующих, так и почивших, за коих Ты умер на кресте.
Молитвы ко пресвятой богородице
О Пресвятая Госпоже Владычице Богородице! Воздвигни нас, рабов Божиих (имена) из глубины греховныя и избави нас от внезапныя смерти и от всякаго зла. Подаждь, Госпоже, нам мир и здравие и просвети наш ум и очи сердечныя, еже ко спасению, и сподоби ны, грешныя рабы Твоя, Царствия
Сына Твоего, Христа Бога нашего: яко держава Его благословенна со Отцем и Пресвятым Его Духом.
Пресвятая Дево, Мати Господа, покажи на мне, убозем, и рабех Твоих (имена) древние милости Твоя: низпосли дух разума и благочестия, дух милосердия и кротости, дух чистоты и правды. Ей, Госпоже Пречистая! Милостива мне буди зде и на Страшном Суде. Ты бо еси, Госпоже, слава небесных и упование земных. Аминь.
О Пресвятая Госпоже, Владычице Богородице! Призри с высоты святыя Твоея на нас, рабех Твоих (имена), и помози нам немощным, утоли скорби наша, настави на путь правый; уврачуй болезненные сердца наша, даруй нам прочее время жития нашего в мире и покаянии проводити; по-даждь христианскую кончину и на Страшном Суде Сына Твоего явися нам милосердая предстательница, да всегда славим Тя со всеми угодившими Богу во веки веков.
О Пресвятая Госпоже, Владычице Богородице! Приими недостойную молитву нашу и сохрани нас, рабов Божиих (имена), от навета злых человек и от внезапный смерти и даруй нам прежде конца покаяние. На моление наше умилосердися и радость вместо печали даруй. И избави нас, Госпоже, от всякия беды и напасти, скорби и болезни и от всякаго зла. И сподоби ны, грешныя рабы Твоя, одесную стати во втором пришествии Сына Твоего, Христа Бога нашего, и наследники быти Царствия Небеснаго и жизни вечныя со всеми Святыми в безконечныя веки веков.
О Царице Богородице, Христа Бога нашего Мати! Услыши ны и избави нас, рабов Божиих (имена) от всякия скорби и печали, огради от всякия напасти и злых клевет и от неправеднаго и лютаго навета вражия. Можеши бо, о Благодатная Мати Божия, не точию от всякаго зла сохранити люди Твоя, но и всяким благодеянием снабдити их и спасти: разве Тебе, иныя Ходатаицы о нас грешных, не имамы к Сыну Твоему, Егоже умоли, Владычице, да спасеннии Тобою, славим Сына Твоего и Бога нашего, купно со Отцем и Святым Духом, ныне и в безконечныя веки.