Наши святые врачи
Шрифт:
Песнь 5
Ирмос: Бо́жиим Све́том Твои́м, Бла́же, у́тренюющих* Ти ду́ши любо́вию озари́, молю́ся, Тя ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща.
Припев: Святии чудотворцы и безсребреницы Космо и Дамиане, молите Бога о нас.
Б оже́ственное привлеко́ша просве́щение, сия́ния исто́чник всеусе́рдне возлюби́вше, и просвеща́ют нас всегда́ чуде́с заря́ми великоимени́тии.
Припев: Святии чудотворцы и безсребреницы Космо и Дамиане, молите Бога о нас.
К ра́сный [69] сопру́г* су́ще, му́дрии, бразды́ возде́лавше душ богозна́меньми, при́сно пожина́юще стра́сти, я́коже пле́велы [70] , и здра́вия клас стори́чествующе*.
Припев: Святии чудотворцы и безсребреницы Космо и Дамиане, молите Бога о нас.
В жиля́еми* кре́постию Христо́вою, в зло́бе си́льнаго всю кре́пость погуби́сте, его́же мучи́тельства нас изба́вите, неусы́пнии предста́тели на́ши, безсре́бреницы.
С лава:
Песнь 6
Ирмос: Жите́йское мо́ре, воздвиза́емое зря [71] напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли* живо́т мой, Многоми́лостиве.
Припев: Святии чудотворцы и безсребреницы Космо и Дамиане, молите Бога о нас.
Ж иву́ще, му́ченицы, ра́достно на Небесе́х, в честны́й храм ваш приити́ потщи́теся и на́ша неду́ги теле́сныя и серде́чныя стра́сти исцели́те.
Припев: Святии чудотворцы и безсребреницы Космо и Дамиане, молите Бога о нас.
В Боже́ственное благоле́пие оде́явшеся кра́сно, я́ко в сугу́бицу [72] , святи́и, на́ги ны су́ща доброде́телей боже́ственно оде́йте и страсте́й безче́стия ны́не обнажи́те.
Припев: Святии чудотворцы и безсребреницы Космо и Дамиане, молите Бога о нас.
Я́ко украше́нием чуде́с оде́яни всегда́, спаси́телие ми́ру яви́стеся, мирска́го у́бо вре́да вся ны изба́вите, святи́и, и страсте́й нече́стия и муче́ния.
С лава: Умертви́вше, святи́и, стра́сти вся пло́ти смертоно́сныя благода́тию, животво́рными чуде́с приложе́ньми оживля́ете стра́ждущия и врат сме́рти избавля́ете.
И ныне: Не опали́в утро́бы Твоея́, Огнь сый*, Иису́с, из Тебе́ пло́тию происхо́дит; Сего́, Чи́стая, моли́ огня́ и вся́ких мук изба́вити ве́рою воспева́ющия Тя.
Г о́споди, поми́луй. ( Трижды .)
С ла́ва Отцу́ и Сы́ну и Свято́му Ду́ху и ны́не, и при́сно, и во ве́ки веко́в. Ами́нь.Конд а́ к
глас 2
Б лагода́ть прии́мше исцеле́ний, простира́ете здра́вие су́щим в ну́ждах, вра́чеве, чудотво́рцы пресла́внии, но ва́шим посеще́нием ра́тников де́рзости низложи́те, мир исцеля́юще чудесы́.И́кос В ся́каго ра́зума и му́дрости прехо́дит сло́во му́дрых враче́в, и всем зна́ние подаю́т: Высоча́йшаго бо благода́ть прие́мше, неви́димо здра́вие да́руют всем. Отню́дуже и мне по́вести благода́ть дарова́ся пе́ти, я́ко богоно́сныя уго́дники Христо́вы и служи́тели, исцеле́ний мно́жество подаю́щия, боле́зней бо вся избавля́ют, мир исцеля́юще чудесы́.
Песнь 7
Ирмос: Росода́тельну у́бо пещь соде́ла А́нгел преподо́бным отроко́м, халде́и же опаля́ющее веле́ние Бо́жие мучи́теля увеща́ вопи́ти: благослове́н еси́, Бо́же оте́ц на́ших.
Припев: Святии чудотворцы и безсребреницы Космо и Дамиане, молите Бога о нас.В пери́сте* ум на Небе́сная до́брых приложе́ньми и бы́сте о́бщницы Боже́ственных даро́в, крила́ти су́ще орли́, всю прохо́дите зе́млю, чудоде́йствующе при́сно.
Припев: Святии чудотворцы и безсребреницы Космо и Дамиане, молите Бога о нас.
П росвети́стеся, я́коже добросия́нное, безсре́бреницы, зла́то, Боже́ственною благода́тию исцеле́ний обогати́сте мно́жества. Тем уще́дрите ны, обурева́емыя лю́тых нахожде́ний искуше́ньми.
Припев: Святии чудотворцы и безсребреницы Космо и Дамиане, молите Бога о нас.
П реложи́вше Го́споду чи́сты ва́ша ду́хи, безсре́бреницы, дар от Него́ прия́сте нечи́стыя ду́хи прогони́ти всегда́, и́хже зло́бы го́рькия изба́вите всех нас.
С лава: Усну́сте пра́ведно до́лжным сном, му́дрии безсре́бреницы, и неусы́пнии моли́твенницы есте́ о ве́рных; тем душ на́ших при́сно и теле́с лю́тыя стра́сти успи́те*.
И ныне: Моля́щи не преста́й Человеколю́бца, Бо́га на́шего, Всенепоро́чная, я́ко да прии́мем всеконе́чне отпуще́ние злых и получи́м на Небесе́х угото́ванная блага́я лю́бящим Его́.Песнь 8
Ирмос: Из пла́мене преподо́бным ро́су источи́л еси́ и пра́веднаго же́ртву водо́ю попали́л еси́, вся бо твори́ши, Христе́, то́кмо е́же хоте́ти: Тя превозно́сим во вся ве́ки.
Припев: Святии чудотворцы и безсребреницы Космо и Дамиане, молите Бога о нас.
Н еду́гов вся́ческих су́ще ра́тницы, посо́бием Боже́ственнаго Ду́ха, святи́и, утоли́те на́ших душ неду́гования и теле́с облегчи́те боле́зни.
Припев: Святии чудотворцы и безсребреницы Космо и Дамиане, молите Бога о нас.
В и́дителие Госпо́дни ны́не красоты́ су́ще и́стинно, присеща́йте сей кра́сный богоно́сный храм ваш и исто́чник чуде́с мно́гих соверша́йте.
Припев: Святии чудотворцы и безсребреницы Космо и Дамиане, молите Бога о нас.
О т исто́чника ра́йска исходя́ще,
Припев: Святии чудотворцы и безсребреницы Космо и Дамиане, молите Бога о нас.
Б лаже́нныя наде́жды прии́мше, от всех досто́йно блажи́теся*, я́ко испо́лнителие, блаже́ннии, Бо́га на́шего Боже́ственных хоте́ний, безсре́бреницы я́вльшеся.
С лава: Вра́чеве неисце́льных страсте́й, безсре́бреницы, неисце́льныя стра́сти на́ша исцели́те, и искуше́ний бу́рю утоли́те, и уны́ния разжени́те о́блаки.
И ныне: Со А́нгелы святы́ми песносло́вим Отца́ и Сло́ва и Ду́ха Свята́го, Еди́но в Трех Ипоста́сех Божество́, Еди́но Ца́рство и Еди́ну Власть.Песнь 9
Ирмос: Бо́га челове́ком невозмо́жно ви́дети, на Него́ же не сме́ют чи́ни А́нгельстии взира́ти; Тобо́ю бо, Всечи́стая, яви́ся челове́ком Сло́во воплоще́нно, Его́же велича́юще, с Небе́сными во́и Тя ублажа́ем.
Припев: Святии чудотворцы и безсребреницы Космо и Дамиане, молите Бога о нас.
С ей храм ваш чудесы́ всеблаголе́пно, я́ко звезда́ми све́тлыми, украша́ется и, согла́сно веселя́ся, всегда́ блажи́т и честну́ю ва́шу па́мять пра́зднует благоче́стно, честни́и безсре́бреницы.
Припев: Святии чудотворцы и безсребреницы Космо и Дамиане, молите Бога о нас.
Я́ко свет, я́ко два вели́ка со́лнца, разу́мную твердь украша́ете, безсре́бреницы, и зна́мений заря́ми просвеща́ете всех ве́рных сердца́. Тем зове́м: разреши́те тьму страсте́й на́ших, мо́лимся.
Припев: Святии чудотворцы и безсребреницы Космо и Дамиане, молите Бога о нас.
В се́ла вы́шняя [73] вселя́еми, святи́и, посреде́ нас бы́ти неви́димо милосе́рдуйте, и́же посреде́ Боже́ственнаго хра́ма ва́шего пе́сни возсыла́ющих Вседержи́телю и блажа́щих приле́жно вас, всехва́льнии.
С лава: Земля́ с Вы́шними весели́тся в све́тлый Боже́ственный пра́здник ваш, святи́и: его́же соверша́ющих, нас изба́вите тьмы, и боле́зней, и вся́кия тесноты́ и е́же во а́де лю́таго, му́дрии, муче́ния.
И ныне: Тре́петное рожде́ние иму́щи, Всечи́стая, в Стра́шный день испыта́ния, молю́ся, стра́шнаго отве́та изба́ви мя и спаса́емых стоя́ния прича́стника сотвори́, ве́рно пою́ща Тя, Богора́дованная.Молитва [74] О чудотво́рцы сла́внии, вра́чеве безме́зднии, Космо́ и Дамиа́не! Вы, от ю́ности Христа́ Бо́га возлюби́вше, не врачева́ния то́кмо иску́сство, но па́че неоску́дную благода́ть исцеле́ния вся́ких неду́гов от Бо́га прия́ли есте́. Те́мже и нас, пред честно́ю ико́ною ва́шею припа́дающих, ско́ро услы́шите. Ю́ныя де́ти, ва́шея по́мощи во уче́нии кни́жнем прося́щия, моли́твами свои́ми наста́вите, да ва́шему житию́ ревну́юще, не земно́е то́чию* приобря́щут, но па́че во благоче́стии и пра́вей ве́ре непреста́нно да преспева́ют. На одре́ боле́зни лежа́щим, в челове́честей по́мощи отча́явшимся, к вам же те́пле с ве́рою и усе́рдною моли́твою прибега́ющим, исцеле́ние боле́зней ва́шим ми́лостивым посеще́нием да́руйте: та́кожде и от лю́тых неду́г во уны́ние, малоду́шие и ропта́ние прише́дшия да́нною вам от Бо́га благода́тию в терпе́нии утверди́те и наста́вите, да уразуме́ют во́лю о них Бо́жию святу́ю и соверше́нную, и прича́стницы соде́лаются Бо́жия спаси́тельныя благода́ти. Бра́тию свята́го хра́ма сего́ [75] , ва́шему свято́му заступле́нию от Бо́га вруче́нную, и всех к вам усе́рдно прибега́ющих от боле́зней лю́тых невреди́мы сохрани́те, и от внеза́пныя сме́рти огради́те, и мо́щным хода́тайством ва́шим к Бо́гу в пра́вей ве́ре тве́рды соблюди́те, во благоче́стии же преспе́юща, да с ва́ми вку́пе сподо́бятся в бу́дущем ве́це при́сно воспева́ти и сла́вити всесвято́е и великоле́пое и́мя Отца́ и Сы́на и Свята́го Ду́ха во ве́ки веко́в. Ами́нь.
Мученики Кир и Иоанн [76]
Святой мученик Кир был прославленным врачом в Александрии, где он родился и получил образование. Подвижник вел строгую христианскую жизнь и, исцеляя страждущих, никогда не брал какой-либо платы. Кир лечил своих больных не только обыкновенными средствами медицины, открытыми Гиппократом и Галеном, но и духовно, стараясь с помощью Божией уврачевать и душевный недуг, который часто бывает причиной телесной болезни. Он разъяснял приходящим к нему наставления святых апостолов о том, как сохранить себя от греховных недугов. Своими увещеваниями и примером доброй, праведной жизни святой врач обратил ко Христу многих язычников.
Деятельность святого Кира совпала по времени с гонением, воздвигнутым на христиан императором Диоклетианом. О религиозных взглядах известного врача донесли наместнику Александрии, и тот приказал схватить и арестовать бессребреника. Узнав об этом, Кир бежал из города в Аравийскую пустыню, где продолжил свой подвижнический путь. Побуждением к этому стал не страх пыток или мученической смерти, а осознание того, что ему еще надлежит помогать людям и готовиться к предстоящим страданиям за Христа. По прибытии в Аравию бессребреник принял монашество и оставил привычную врачебную деятельность, получив от Бога дар чудотворений. Он так же, как и на родине, обращал многих идолопоклонников к истинной вере.
В то время в Едессе [77] жил благочестивый воин по имени Иоанн. С началом гонений этот человек оставил дом, звание и родных и пришел в Иерусалим. Прожив некоторое время на Святой Земле, он услышал от кого-то рассказ о святом Кире, его бескорыстном служении, молитвенных трудах и чудесах. Иоанн возгорелся столь сильным желанием увидеть подвижника, услышать от него духовное слово, что отправился в Александрию, а затем и в Аравию, моля Бога о том, чтобы его найти. Поиски закончились долгожданной встречей, и благочестивый паломник не только увидел святого Кира, но и возымел желание жить вместе с ним. Проникнувшись всецелой и чистой привязанностью к учителю, Иоанн стал спутником святого врача до конца своих дней, очевидцем его чудес и подражателем его добродетельной жизни.