Послания Ивана Грозного
Шрифт:
отречени в постригании нашем, и всего мира и яже суть в мире. Аще ли се
лжа, да попытаемся, аще ли тако есть: не имеем ли сел, яко же и миръстии,
не словут ли нивы чернеческия, и езера, и пажити скотом, и домове твердо
ограждени, и храмы светли? не имеем ли ковчеги со имением твердо
хранимы, якоже и мирстии домодержцы? не красуем ли ся блистанием
златным и веселимся светлостию ризною и величаемся? не обеди ли и
празницы мирских нами полни бывают?
богати на обеде у себе посажаем, большее дерзновение хотяще к домом их
имети? не на брацех ли у них мы председаем? не наша ли рука выше всех
презвитер возвышаема, чаши прекращающи? не наше ли око вся седящая
обзирает? не наше ли горло в народе пира бряцая многи укоры? Християне
бо заповедь Спасову творяще вводят ны в домы своя - ово молитвы ради,
176
ово милостыню творяще. Мы же своего чина не храняще в мале поседим
поникши, и потом возведем брови, таже и горло, и пием, донеле же в смех
и детем будем. Его же пияньства мнози и мирстии хранятся. Мерзость бо
им есть тоже и на нас есть видети безгодное упивание. Таковое бо
безчиние и упивание троя вины приносит любящим его: первое - телеси
недуг, второе - от человек укор и смех, третие - души падение и ума
наступление. То ним лучьши есмы мирских?
– ни чим же. Не хвалу ли
любим, а укоризны не терпим? Не светлою ли ( В рукоп. описка: лю. ) ризою
и драгою красуемся, раздранныя же не хощем ни в келий нашей видети?
Не принесшего ли приемлем с любовию, паче тща пришедшаго? Почто
двери келий своих твердыми замками утвержаем?
– яве, яко днешняго ради
лежащаго в ней имений. И яко же епарху некоему умершу, мнози бояре на
место его мздятся, богатьства ради сана того, и славы, и чести от всех. Тако
и в нас, убогих, подобие мирское бывает: умершу бо коему игумену, или
иконому, мнози от нас востанут, наместие его тщашеся прияти (и се
таящеся един от другаго, а всем ведомо суще), ови мздами, а неимущей же
ласками, яко змия, яд хотяще излияти на искренних. Что же се?
– яве яко
имения ради. Оле смеха достойно житие наше! Ни есть ни единаго же в
нас преподобных отец, ревнующе добрым делом, молитве, бдению, посту,
безоименьству, нищете самовольней и прочим таковым: но умерыну в нас
коему богату мниху, и душю свою того ради погубившу, оставшеи мы,
ревнующе пагубе его, на место его въскакаем, и сладко си творим, в пагубе
его и мы увязнути. Да онем их же житию и делом чюдеса последоваху им,
не хощем житию ревновати и делом их подобитися, но сих, их же житию и
имению
имеша на мало дней, и отидоша нази от всех, яко и рожени. Да яко же в нас
стари и неистови и лакоми на имение, и сверепи на жены, и до смерти не
осташася любви именныя, - тацы же и юннии мниси по них суще; нравы
яко отеческия приимше, держим и тем величаемся. И аки по отеческим
следом воследующим, не ведуще окаяннии, яко же бо нелепо мертвец на
конь всажен, тако же и мних власть в мире прием: но овому свое есть, еже
во гробе вложится, овому же, еже в келий затворився плакати грех своих, и
всячески нудитися, еже удалитися всего честнаго в мире сем. Аще ли
мертвый на коне, инок же власть держа, то обое кроме естества. Мирскому
бо мирская подобает строити, а иноку иноческий путь правити, не
касающеся ни десных, ни шуих. Красно есть, во истинну, и мнозей хвале
достойно, иже видети мужа в миру, отрицающася мира и иже в нем
красных и легких, и отметающа имения и бывающа инока. Хульно же и
проклято, еже видети мниха, сан в мире приемлюща и мирская строящу, и
богатьство беруща: он бо, надежею жизни вечныя, отметается жизни сея и
бывает чадо свету и дни. Сей же, неверованием о жизни вечней, отметает
обнищание, иже Христа ради обещася, и бывает друг свету сему, враг же
Божий по глаголу брата Господня Иякова. Сего ради смеху бываем и
поганым, и Христова вера хулится нас ради от них. Глаголют бо: како вы,
мниси, поведаете бо жизнь вечную быти и воскресение мертвым, его же
177
ради и постригаетеся? А ныне видим вы, и старыя и младыя, яко кождо вас
власти от царя и от вельможь ищете, от бояр же имения, от убогих же
чести и поклонения. Да како жизнь вечную мните ( В рукоп. маните; испр.
по П Ц. ), а сея жизни, и славы, и чести, и имения ни мало себе отмещете?
Нам мнится, яко вы друг другу о жизни вечней лжете. На любви бо вашей
света сего знати есть, яко не зело хощете оного жития: дадите нам имение
ваше и злато, а вам вечная жизнь. Се же аз, братие, своима ушима слышах
от некоего погана. И дивно ми есть, яко же и погании ведят о нашем
неустроении и поношают ны, како достоит иноку быти олиховану всего во
свете сем, иночьну быти житием и делом. Тем же аще поганым бываем в
соблазн придержания ради света сего, кольми паче християном, ведущим и
слышащим по вся дни в церквах жития святых и преподобных отец, и