"А се грехи злые, смертные..": любовь, эротика и сексуальная этика в доиндустриальной России (X - первая половина XIX в.).
Шрифт:
Ох, увы ему! первие бе чиститель и говеин священник и предстатель престолу божию и споручник грешных душ, и потом зол гонитель бысть и лют кровопийца християнеск и воиво-да в Казани храбр. И часто его посылаше царь с татары своими воевати страну отечества его, Русския земли християн. И живя-ше он 30 лет в Казани, и царю служа, и разбогател вельми.
Бог же, не хотя грешнику смерти, но хотя обратится ему и живу быта, восхоте же и сего преступника в первое благочестие ввесть.
По времени ж посла его царь на то ж обычное злое и беззаконное дело, яко ж и преже, пролияти неповинныя крови русских людей. Он же иде по словеси царя и повоева некую часть Русския земли, и возвратися в Казань с русским полоном. Еду-щу ж ему чистым великим полем к Казани, и пусти полк свой впреде себе, сам же един остался назаде, ездяше некоего ради оружия. Едущу ж ему на коне своем в полудни после полка своево
Тогда ж по случаю бежа ис Казани пленник некий, отрок русской, и западше лежаше утаяся в дуброве три дни в траве по страну путя того, ждущий, докуды минет весь полк татарский, чтоб, восстав от места того, и паки побежйти путем татарским, не блудяся, к Руси.
И егда отрок слыша поюща стих и, восстав от лежания своего и мнев поющаго стих быти русского человека, и не сграша-ся, радостен изыде оттуду и потече от дубравы на путь, и явися тому окОЯнному варвару, преже бывшему попу. Он же, видев отрока ярыма своима очима звериныма и похватив меч свой наг, и хоте отроку главу отсещи. Пленник же паде на землю з горькими слезал^*, милости прося у него, чтобы не убиен был от него. И сказа ему о себе, яко «пленник есть, русин, бежа ис Казаки на Русь, и слышах тебе по-русски поюща великий стих Богоматере, еже есть богородичен, любезнейший есть той стих всех стихов богородичных, и у нас его на Руси поют честно, славящии Пресвятую Богородицу нашу молитвенницу и заступницу. И чаях тебе русина быти и явися, господине, лицу твоему, не бояся». Преступник же то слышав, и жестокое и каменное свое сердце во умилении положи, и начата великим гласом жалостно плаката и рыдати, и сшед с коня о землю убиватися, яко устрашитися отроку тому, и вмале не побежа от него, дивя-ся в себе, что се таково есть сотворися, бе бо и отрок той грамотен же бе. И плакася от полудне того до вечера, доколе же пре-молче гортань его и слезы исчезосте от очию его. И обозревся со отроком ту и спа до утра на траве, дав отроку нечто мало снести, сам же ничего не вкуси.
Пленник же нача прилежно спрашивати его, глаголя: «Что се, господине, есть, и что печаль твоя, и про что столь горько плачеши, повеждь ми, рабу своему». Он же утишився от плача и мало пришед в себе, и вся отроку вышереченная поведа, яко поп на Руси бью. Пленник же увещеваше его на покояние обратится, яко Бог наш милостив есть и кающихся от грехов очищает. Он же рече отроку: «Молю же тя, отроче, и заклинаю тя великим Богом нашим Исусом Христом, пришедшим в мир грешники спасти, да сотвориши ми любовь духовную; иди отселе ныне от мене без боязни на Русь к Москве, и, пришед, возвести о мне вся митрополиту вашему, еже сказах тебе. Аще есть такому грешнику покояние, и он бы мя восприял, и запретил, и простил, како подобает по заповеди господа Бога и Спаса нашего Исуса Христа; дабы и печаловался о мне великому князю Московскому, дабы мя и он простил во всем моем зле, еже много лет воевах землю его и християнство губя. Да рукописание бы прощение мне во всем написал, и двема печатьми запечатав — великого князя печатаю да своею печатаю другою — да тогда веры иму. Да по двою месяцу писание прислал бы ми с тобою на се ж место, и аз бы с радостию и без сумнения к Москве ис Казани приехал, и вдал бы ся в монастырь плакатися грехов своих. Ты ж, брате, потрудися Бога ради о мне всем сердцем своим без лености, да воздаст тебе Господь труда твоего ради многу мзду во царствии своем». И одари отрока сребром немало. И обещася ему отрок истинно и неленостно повеленная им сотворит.
И восгавше заутра и тако ж много плакався босурманин, и, целовавшеся, оба разъехавшеся. Отрока отпусти к Руси, а сам х Казани за полком своим скоро погна.
Отрок же к Москве пришед, и скоро сказа вещь сию митрополиту Филиппу. Истинны ж пастырь церкве Христове в той ж час скоро шед в полату и возвести сыну своему духовному, великому князю, все подробну, еже ему отрок что сказал. Князь же великий и митрополит умилишася зело, и в размышлении оба надолзе быша, и призваше отрока паки пред себя, вопрошающе его паки о вещи сей, аще истинна ли тако есть. Отрок же и паки то ж сказа им истину подробну. И помянута они евангельское слово реченное: «Аще изведеши достойного от недостоин-ства, яко уста моя будеши». И советовавше между себе князь и митрополит, и написавше грамоту, и запечатавше своими печать-ми, и послаша со отроком к босурману тому, и прощение ему, покаявшемуся от тьмы в свет, сказаше, и во всем его прости-ша, и наказавше звати его, чтоб ехал к Москве безо всякия боязни, и да будет честен службе великому князю.
Наставшу ж третьему месяцу пленник же, отрок
В третий ж день зряше отрок прилежно х Казани, прямо на горе высоце на древе возлежши, и узрел: се гнаше полем един человек от Казани путем на двух скорых драгих конех своих к месту тому, вельми спеша. Отрок же позна, яко той есть друг его босурман, и вмале скрыся от него, искушая его. Он же прискочи на место то и не виде отрока, чаях, солгаше ему и не при-шедша во уреченный день и час. И свержеся с коней долу на землю и вопияше со слезами и плакашеся вельми, яко могуща той и самое камение с собою на плач подвигнута, и не можаше от плача утешитися, верстою бо он в пятьдесят лет быв. Тако ж скоро отрок явися ему, борзо к нему з горы идя. Он же видев его издалеча грядуща к себе и тако ж позна его, и потече скоро против его, и, объем, паде на выю отроку, целуя его и плачющи з горькими слезами и глаголя ему: «Что та воздам, любимый брате и нельстивый друже и верный посланниче и великотруд-ниче, еже мне поганому сотворил еси». Отрок же взем влагалище из-за пазухи своя и разверз, и выняв из него грамоту, за две-ма печатьми запечатану, и в даст ему. Босурман же приим ю и прочте со многими слезами и вопияше непрестанным гласом мытаревым: «Боже, милостивый буди мне, грешному, безакон-ному преступнику. Боже, очисти грехи моя. Боже, прости беззакония моя и помилуй мя». И простер руце свои на небо и рече: «Боже щедрый, благодарю Тя, человеколюбче, грешным милостив, яко сподобил мя еси, окоянного, от начального пастыря моего беззаконию моему прощение прията». И абие внезапу паде на землю тихо. И нозе свои, яко жив, простре и обретеся мертв.
Отрок же по ужасе надолзе быв. И разуме истинно, яко умер есть. Отрок же взя с него драгия ризы и всю воинскую збрую, и облече его в смиренныя своя одежды, и ископа землю, и погребе его ту со слезами, и нощь ту преспа у гроба его. Тимофей же явися во сне у гроба своего отроку тому: «Благодарю тя, яко тебе ради приях от Бога прощение грехов своих. Да взем коня мои со всем, еже на них за труды своя, иди отсюду на Русь и поминай мя до живота своего молением и милостынею и прошением».
Отрок же наутрие простився у гроба его, и взят коня оба драгия Тимофеевы со всею драгою збруею, и обрете на них бас-маги великия, полны злата, и сребра, и драгова камения. И всед на них и поеде, радуяся и веселяся, на Русь.
И приехав к Москве и подробну поведа о Тимофее случившееся великому князю московскому и митрополиту яко: «Умре и погребен бысть от мене», и како видеся во сне. И оставшая Тимофеева вся показа им. Князь же и митрополит удивишася о сем и прославиша Бога, и разсудиша, яко прият его Бог на поко-яние, и слезами очистися, и простишася греси его, и душа его спасеся. Отроку ж тому князь и митрополит все имение Тимофеево отда, великое богатество. Е[ще] ж к тому князь великий и землй удел даде ему.
Сия ж повесть много лет ненаписана бысть, но так в людех в повестех ношашеся. Аз же слышах от многих сие и написах пользы ради прочитающим, да не отчаются грешнии спасения своего, но притекут ко всемилостивому Господу истинным по-коянием, и отпущение грехов получат, и жизни вечней сподобят-ца, и в бесконечныя веки на небеси с праведными имут цар-ствовати.
Публ. по: Русские повести XV — XVI вв. М., 1958. С. 119 — 123. Перевод Ю. С. Сорокина и Т. А. Ивановой.
Бысть некий юноша, сын боярской, княжей племянник, велика роду, дивен удалец, деяше беседи з гордою, щепливою, с великою з девицею.
Сице рече младый отрок к прекрасной: «Душечка еси ты прекрасная девица! Ходил есми по многим городам, служил есми царю в Орде, королю в Литве, не нашел таковы прекрас-ныя девицы как ты прекрасная девица; и ты меня присвой и примолвь, хощю тебя поставите во многих людех74, сопро-тив тебя служити как верный слуга против своего господина».
Сице рече прекрасная девица ко младому отроку: «А се познаю, дворянин, деревенская щоголина! Чего ты у нас хочеш или чем хочеш весел быти? С соколы у меня не ездят, не дер-жю я у себя, девица, гутцов, ни на зверя ловьцов, ни борьцов, как вас матерных гнетцов».
Сице рече младый отрок к прекрасной девице: «Душечка еси ты прекрасная девица! Есть у тебя красное золото аравит-ское, вделал бы я свою жемчюжину в твое чистое серебро, всадил бы я свое булатное копье в твое прямое товолжаное ратови-ще, утешил бы свое сердце твоими мыслями».