Послания Ивана Грозного
Шрифт:
отступному бесослужителному разуму, нецнотливой матери сыну,
непригоже ниж краю ушес слышанию сподобитись, ниже мала ответа
подати, яко бесовстей тме, токмо крестным огражением прогоняти. Также
и ты в совершенных сединах, аки возбеснев, вне ума своего бесом служити
отдал еси себя и вместо християнства отступником именоватись и
лжехристьянипом быти, и святей истине, и православной христьянстей
вере, и священным церквам и божественным
разоритель; и аще прелестней тме служитель еси и Богу противник еси,
что убо к сему яко скорпия яд изливавши, понеже отца твоего диявола еси
наследник и похоти отца своего хощешь творити, яко он человекоубийца
искони и во истине не стоит. А что в листу своем писал еси, что будто
государь ваш образ человеколюбия Божия оказует,. ино то лукавое
прикровенье всем знатно, штож государь ваш не токмо вами, паны своими,
не обладует, но и о себе власти не имеет: как же хотел государь ваш за
нашего государя царьского величества сестру свою Катерину дати, ино ж
вы панове зрадным обычаем того ему не прирадили и з братом его
царьского величеством и во всем христьянстве якое есте кровопролитие
розмножили и ево есте сестру за какого великого человека дали и якую
честь есте в том своему государю принесли, и то есть ведомо всему народу
христьянскому! И як же государь ваш о том слезен был, и што мог себе и
сестре своей пособити кроме воли вашые? Ино то ли образ человеколюбия
Божия, что в неволе быти? Слово Божие не вяжетца нигде ж и самовластно
прибывает и волею за мирское спасение разпятца, а не так, как вы своего
государя в неволе держите; ино то ни есть образ человеколюбия Божия, но
прелесть и тма подобно антихристу, еже есть супротивно воле Божьей. А
што писал еси о единороднем Сыне Божий, и где Троица разделяетца, якож
вы, тут не подобает о Бозе богословити, понеже не ведите ни яж глаголете,
ни о них же утвержаетеся, якож инде реченно есть: «Грешнику ж рече Бог:
векую ты поведавши оправданья моя и восприемлеши завет мой усты
твоими, ты же возненавидел наказанье и отверже словеса моя вспять, аще
видяше татя, течяше с ним и с прелюбодеи участье свое полагаше, уста
твоя умножиша злобу, и язык твой соплеташа лщения, седяй на брата
своего клеветаше и на сына матери своея полагаше соблазн; сия сотворил
еси, вознепшевал еси, яко буду тебе подобен, обличю тя и представлю пред
лицем твоим грехи твоя, разумейте ж сия забывающей Бога, да некогда
похитит и не будет избавляли». И паки по апостолу: разумевше быти Бога
не яко Бога
но осуетишася помышлении своими и омрачися неразумное их серце
глаголюще быти мудри, объюродеша и послужиша твари вместо творца,
иже есть благословен во веки. Аминь. Также и вы вместо Бога надеетесь на
мимотекущая стихия и на бесовския козни, и вам не подобает
божественных глагол своими безбожными усты глаголати. А что кровью
своею святою Господь наш совокупил нас всех воедино, пно вы ж то за
много лет разодрали ересью латынскою, так же ныне конечне от Бога
261
отступили есте и противни Богу со антихристом учинились есте, церкви
Божий разаряюще и священныя иконы попирающе и священныя сосуды
сокрушающе и истиннаго православия веру з божественными догматы
испровергаете и горее бесермен напротивку Богови востали есте и
лжеимянно християнское имя на собе обносите, я коже рече божественный
богословец: изыдоша от нас, но не беша от нас. Аще бо быша были от нас,
превыша убо были с нами, вы же сами себя от божественнаго крещенья и
любве крестьянские отогнали есте, понеже бысте «враги креста христова,
им же бог чрево и слава во студ им, иже земная мудрствующе». А што
государь ваш с радующемн радуетца и с плачющими плачетца, ино ж
государь ваш ничегоже не может через вашу волю учинити, и то есть
неоднокрот писано, штож сами ж вы, отнявши волю у государя своего, и за
то его святым зовете и милостивым, и штож его милость,. коли он ничем не
волен? Тая милость оказуетца праве яка власность имущий милость
содержит. А чтож государь ваш немощи немощных носит, а не себе
угождает, но все подданным своим угожданье творит, ино ж государь ваш,
якож среди поля некоего Зхатая был, стоящы посреди скорпиев и аспидов
вашего неистовства и израдства, отовсюду пуст сродства и пособленья, еще
же к сему и главы не имея, еже истинные веры во истинного Бога, тем же
отовсюду пуст быв - мимошедшых надеж и будущих присносущих надеж
сих всех пуст бывг в правду убо и по достоинству вашей бесоподобной
гордости угаждает. Так теж вы з давных предков ваших звычею зрадным
обычаем злолукаваго змия ухищрением государя своего безчествуете. А
что еси писал в своей грамоте возбеснев о нашего государя царьском
величестве, что будто государь ваш слышит о нашем государе, о его
царьском величестве о жестосердии неразсудительном на нас, народе