Вирши

Полоцкий Симеон

НА НОВОЕ ЛЕТО ЗДРАВСТВОВАНИЕ БОЯРИНУ БОГДАНУ МАТВЕЕВИЧЮ ХИТРОМУ

Творцу всех Богу славу возсылаю, яко днесь здрава тебе созерцаю. Благодетелю мой премилостивый, живи лет много, живи век щасливый. Новое лето да ново ти будет щастием новым. Бог да не забудет тя возвыжшати и благословити и царску милость к тебе утвердити. Ты же утверди милость твою на мя, раба твоего, во любви ти знамя.

В ДЕНЬ СВЯТАГО И ПРАВЕДНАГО ИОВА [383]

День превеселый ныне совершаем, Иова свята песньми прославляем. Многострадалным иже наречеся, яко во страсти весь приоблечеся. Страда нищету, пострада и чада в болезни ему не бяше отрада. От всюду беды его обыдоша, обаче уста в ропот не внидоша. Хвалу он выну Богу возсылаше, благодарственно вся скорби терпяше. За то изволил Бог благословити: вся усугубив лета умножити. То и во аггела Богом ти есть данны, благодетелю мне из всех избранны. Он тя от скорбей имать свобождати и от болезней плоти защищати. Он ти сотворит зде щасливо жити, в божий и в царской милости пребыти. К тому умолит от благаго Бога, да ти дарует в мире лета многа. А по временной жизни и на небе на радость вечну превлечет тя к себе. Его же верно аз ти усердствую, а твои нозе любезно целую. Моля, да мене в любви сохраниши, на рабе твоем милость да явиши. Аз же готов ти выну работати, стопы твоих ног любезно лобзати.

383

Иов — легендарный библейский персонаж, трагический герой старозаветной «Книги Иова». В христианстве образ страдающего праведника Иова предвещает искупительную жертву Христа и занимает важное место в учении о теодицеи — оправдании Бога перед лицом мирового зла.

К ГОСУДАРЮ ЦАРЮ: КНЯЗЮ ФЕОДОРУ ЮРЬЕВИЧУ РОМОДАНОВСКОМУ, С ХЛЕБОМ КО ГОСУДАРЮ ЦАРЮ ПРИХОДЯЩУ В ДЕНЬ АГГЕЛА ЕГО [384]

Пречестный праздник церковь совершает: днесь Феодора песнми величает, иже Стратилат [385] , храбрый в мире бяше и Богу живу верно работаше. Попра идолы, нищым даде злато, на древе крестном сам распят за то. Гвоздми пронзеся, стрелми уязвися, но от аггела паки устрашися. Страда до смерти за Бога живаго, паче онаго не зная инаго. Тем же днесь в небе со Христом царствует, о молящихся ему молебствует. Аз убо его сподоблен прияти, имя святое дерзаю прошати. Да молит Бога Сын в небесной славе о твоей царстей пресветлой державе. Во еже бы ти многолетствовати, в здравии, в щастии выну пребывати. Купно царица чада и царевны да будут свыше Богом ублаженны. Феодор имя дар божий являет, дар божий с небес вас да присещает [386] . Храбрый бе Феодор, храбрость убо тебе и твоим воим да умолит в небе, во еже бы ти враги побеждати, мир утвердити, царство разширяти. Сих благ усердно аз тебе желаю, пресветлый царю, аз хлеб приношаю. Сей со поклоном во усердства знамя прими, а призри милостивно на мя, раба твоего, иже ти служити рад есмь, дондеже даст ми Господь жити.

384

Влиятельные

вельможи заказывали Симеону стихотворные панегирики, с которыми они представали перед царем. Форма тезоименитых приветствий у стихотворца, способствовавшего обновлению и усложнению придворного церемониала, постоянна: изложение событий праздника, параллели между адресатом и его святым, панегирик, прошение о милостях к автору.

Федор Юрьевич Ромодановский (ок. 1640—1717) — князь, русский государственный деятель. В середине 1680-х гг. вошел в группу сторонников Петра I, участвовал в воинских забавах и учениях молодого царя. С 1686 г. до смерти возглавлял Преображенский приказ.

Стихотворение написано ко дню памяти святого Федора Стратилата, который был патроном царя Федора Алексеевича и его тезки, князя Федора Ромодановского.

385

Стратилат — имеется в виду христианский святой Федор Стратилат, почитавшийся как змееборец и идолоборец. Симеон, от имени Ф. Ю. Ромодановского желает царю Федору Алексеевичу также «враги побеждати».

386

Феодор имя дар божий являет, дар божий с небес вас да присещает...— здесь поэт вновь обращается к своему любимому приему — обыгрыванию иносказательного значения имени (Федор от греч. «бог» и «дар», «подарок»).

ВРУЧЕНИЕ КНИГИ «ВЕНЦА ВЕРЫ» БЛАГОРОДНОЙ И БЛАГОВЕРНОЙ ГОСУДАРЫНЕ ЦАРЕВНЕ ВЕЛИКОЙ КНЯЖНЕ СОФИИ АЛЕКСИЕВНЕ [387]

Истинна есть мудрость еже Бога знати и закона святаго прилежно искати, в ней же божественная мудрость заключенна яко злато в ковчезе, людем предложенна. Человек разумичный ону обретает, егда в законе святом себе поучает. А с нею удобь Богу может угождати, выну яже о Бозе умом мудрствовати. О нем же ты, хотящи благомудра быти и в законе господнем вся дни твоя жити, о благороднейшая царевно София, ищеши премудрости выну небесныя. По имени твоему жизнь твою ведеши: мудрая глаголеши, мудрая дееши [388] , И прилично Софии выну мудро жити, да дело со именем точно может быти. А занеже во книзех мудрость божественна, яко во сокровищех лежит заключенна, ты церковныя книги обыкла читати и в отеческих свитцех мудрости искати. Уведевши же яко и книга новая писася, яже «Венец веры» реченная. Возжелала ту еси сама созерцати и, еже в черни бывшу, прилежно читати, и, познавши полезну в духовности быти, велела еси чисто ону устроити. Яже велению ти уже сготованна, со многим трудом долго читана, списана. Воистинну же имать мудрость превелику, доволну в спасение всяку человеку. С богословских училищь сия изведенна, учения святаго словес исполненна. Вопросы и ответы зело исполнися с разсуждением, тако дело устройся, да мудро вопрошенный мудро отвещает, кто либо сия книги прилежно читает. Сокращенно писася, да может пояти удобне ум и память предолго держати, ибо краткое слово удобно держится, к тщащимся пояти годнее творится. Ту же разрешения многа положенна, с трудностию судимых, да суть не смущенна. Ползы ради духовных, да суд грехов знают, кающыяся добре от грех разрешают. Суть и ина зде многа, яже оглавляет и явление тому, кто оно читает. Вся та с трудом немалым тщихся написати, исправив множицею начисто списати. Устроив же в книжен вид, днесь вручаю тебе, пресветлая царевно, честно яко требе желая, да прилежно тщишися читати, да ползу доволную можеши прияти. Не точию мудрости вопросов ответов, яко вонных и красных венца сего цветов. Но паче да можеши благодать стяжати и плод жизни вечныя в небеси прияти. Того благородию вашему желаю, сам ся милосердию прилежно вручаю. 'Милосердие' елей выну знаменает, елей же мудрым девам не скуден бывает, чтем во Евангелии [389] . Убо елей тебе милосердия в сердце яко мудрой требе. Души царя великаго, царево София, души царя милостива, царя Алексия, купно сестро щедраго Феодора царя [390] , Богом дарованнаго царству государя, мудрейшая ты в девах, убо подобает, да светилник сердце ти светлее сияет, обилуя елеем милости к убогим, сию спряжи доброту к иным твоим многим. Но и сопрягла еси, ибо сребро, злато все обратила еси милостивне на то, да нищым расточиши, иноком даеши, молитв отце твоем теплых требуеши. И аз грешный многажды сподобихся взяти, юже ты милостыню веле щедро дати. Ни престаю отца ти в молбах поминати, иже мне щедр бе яко отец или мати. Тако же мудрой сущей и елей имущей отверзут ти ся двери к небеси грядущей, от жениха душы ти, до его чертога, еже светлости вашей да будет от Бога. Царска души, к Царю небес буди воведенна, во чертог веселия вечнаго вселенна. Того светлости вашей вседушно желаю, главу мою под стопы твоя преклоняю, Чая милосердием вашым храним быти, богомолец ваш будущ, дондеже ми жити.

387

Книга «Венец веры кафолическия» написана Симеоном в 1670 году. Царевна Софья (1658—1704; правительница России с 1682 по 1689 гг.) проявляла к этому произведению особый интерес и познакомилась с ним еще в черновом виде. «Венец веры кафолическия» (т. е. вселенской), очевидно, служил учебным руководством в богословии для царственных учеников Симеона Полоцкого, в числе которых была и Софья.

388

По имени твоему жизнь твою ведеши: мудрая глаголеши, мудрая дееши...— Симеон намекает, что в переводе с греческого «софия» означает мудрость, знание.

389

...елей же мудрым девам не скуден бывает, чтем во Евангелии...— цитируется Евангелие от Матфея, XXV, 1—13.

390

Феодор царь — имеется в виду царь Федор Алексеевич (1161—1682).

НА КНИГУ, ИМЕНУЕМУЮ «МЕЧ ДУХОВНЫЙ», ЕПИГРАММА [391]

[1]

Нуждно есть небо хотяй восхитити имат мечем сим рать в мире творити духовным, дуси будут посечени, а благим злии будут поражени. Остр обоюду и есть действен зело, души и плоти враги сечет смело. Драг злата паче от божия слова Нова Завета бысть его основа. Не из земна кружца он сооружися, убо тли празден, ратуй, не сумнися. Вещество его с небес принесенно устнами Христа: тем же есть спасенью. И небо может оным ся набыти, убо продавши ризу, мечь купити сей подобает, им же и одежду стяжет небесну имяяй надежду. Венец победный к тому ся пристяжет, с его же колом и вечность ся стяжет. А и маммона выну подъданствует мечеви сему, в след его шествует. Блажен делатель его уковавый, мечь бо сей святый, мечь се не кровавый. Язвит он сердце, слезы источает, язвами язвы души исцеляет. Паки блаженна тебе именую, о трудолюбче, за любовь такую. Лазарь — имя ти, убо друг Христови знаю по любви, по сем божем слове: Мария, Марфа богомыслность, труди сестре твое, то яве ведят люди. И тыя Христос зело в тебе любит, егда уснеши их ради тя взбудит; приложит овцам небеснаго стада, тамо за труды будет ти отрада. Пастырю с овцы зело есть прилично — Барановичю с агньцом есть обычно. Несть верста с козлы тебе ся мешати, овцам ты пастырь, с овцами верста ти. По агньце в небе в след выну ходити, победную песнь ему приносити. Но мзды вящшия ради потрудися, вящше во церкви, в болезни крепися. В немощи твоей может совершити силу свою Бог, здрава сотворити. Точию речет Бог-Слово си Слово, абие здравство будет ти готово. Мы его молим: о, даждь, Христе-Боже, Лазару. амвон за смутное ложе: Да велегласно нам благовествует, кая ти полза егда болезнует? Ты — живот, Христе, и здравия датель, жив, здрав да будет наш мечекователь.

2

Житие наше брань ся именует — всяк борец меча на брань потребует: На брань духовну се есть мечь духовный словесной твари, не железный, словный. Уста Христовы острый испустиша мечь древле, сей мечь уста устроиша Лазаря честна, ему же от Бога да пребудет помощь на враги премнога. За мечь победу вечну да имеет, подвигом его тризна ти довлеет.

3

Коса о камень может ся тупити, но мечь каменем может ся острити. Камень есть Христос, им же изострися сей мечь духовный, а не притупися. Остр есть от ума остраго созданный, сечет без вреда мечь сей преизбранный. Вреден тмы князю, верныя спасает, светел як солнце, тем же просвещает.

4

С духами злобы хотяй ратовати меча духовна должен есть искати: Не ищи, борче, се ищет он тебе, готов он к действу, ты готови себе. Чти, ач ти токмо победа готова, венец ти будет от божия слова. Его же моли, да и мечатворцу венец зготовит яко тебе, борцу.

391

Текст состоит из 4 разделов.

«Меч духовный» — опубликованный в 1666 г. сборник проповедей Лазаря Барановича, архиепископа черниговского, наставника и покровителя Симеона Полоцкого во время его учебы в Киево-Могилянской коллегии. В первое время жизни Симеона в Москве Лазарь Баранович старался поддержать его своим влиянием. С этой целью он благоприятно отзывался об учености Симеона в письме к ученому монаху Паисию Лигариду, снискавшему доверие царя. Патриарх Никон представил царю свиток обличений на книгу «Меч духовный», отмечая ее латинствующий характер. Симеон называл Лазаря Барановича в письмах «отцом и благодетелем своим прелюбым». В стихотворении автор настойчиво желает Барановичу здоровья. Это связано с тем, что в 1666 г. Лазарь был так тяжело болен, что не надеялся на выздоровление.

НА ИМЕНИНЫ БОЯРИНА БОГДАНА МАТВЕЕВИЧА ХИТРОВА [392]

Радости полный днесь день совершаем, когда свята светло прославляем. Ktorego dal Bog tobie za patrona, moj dobrodzieju, on tobie obrona [393] . Велий бе в мире, но вящший на небе, может от Бога вся стяжати тебе. Wielce obfitym byl bogactwe mnogie, ale obfitszym w prawde, w cnoty blogie [394] . Даже от Бога хвалы сподобися, кто, яко Иов, праведен явися; Nikt sie nie r'ownal w dobro'sci onemu, za co przyjemny byl tw'orcy swojemu [395] . Ведь адамант бе в терпении мнозе, язву безропотно претерпе о Бозе. Przetrwal ubostwo, Bogiem dopuszczone, у cne potomstwo, oraz wygubione [396] . Всех отщетися вконец обнищаше, но за вся хвалу Богу возсылаше. M'owiac: «Bog mi dal, on ze sam y bierze, Bog sprawiedliwy we wszeliakiej mierze» [397] . Тем же сугубо вся приять от Бога, во всех животных и богатства многа. Nadto y w niebie z Chrystusem kr'oluje, za toba modly 'swiete ofiaruje [398] . Он ти заступник, ты питомець ему, даждь убо хвалу аггелу твоему. Za to, ze on cie mile pielegnuje, zywot dowczesny k wiecznemu prostuje [399] . Его пособством Бог тя возвыжшает, царскую милость к тебе приклоняет. Y boza laske on uprasza tobie, ze za patrona poczyta'c go sobie [400] . Тем же молбами Иова святаго желаю тебе здравия благаго, Szcze'scia, fortuny, wszelkiej pomy'slno'sci, zycia w dlugi wiek z bozej laskawo'sci [401] . Да тя десница его укрепляет, на всяко дело благо наставляет. Od niej d'obr wszelkich twojej wielmozno'sci zprzyjmi sie wiernie ze wszej zyczliwo'sci [402] . От вся души всех ти благ желаю, а себе к стопам твоим повергаю. Zebracej laski bym w niej byl chowany у za wiernego sluzke poczytany [403] . Аз бо вседушно хощу ти служити, и в числех верных твоих вменен быта. Doznasz wierno'sci, da Bog y uslugi, tylko, daj Boze, wiek zy'c tobie dlugi! [404] А ныне в знамя верности моея сладце лобзаю след ноги твоея. Majac nadzieje о twojej milo'sci, о kt'ora modle ze wszej uprzejmo'sci [405] . Молю и паки к стопам припадаю, твоей милости всего мя вручаю.

392

Это и следующее стихотворение написаны Симеоном в изысканной панегирической форме в макароническом стиле, предполагающем сочетание в одном произведении двух или нескольких языков. Святым, покровительствующим Б. И. Хитрово, называется Иов, день памяти которого отмечался церковью 6 мая.

393

Которого Бог дал тебе в патроны, мой благодетель, он твоя защита.

394

Многообильным был в богатстве многом,

но преизобильней — в правде, в добродетелях благих.

395

Никто не мог сравниться с ним в доброте, поэтому он был приятен своему творцу.

396

Претерпел бедность, Богом учиненную,

и сверх того — гибель благородного потомства.

397

Говоря: «Бог мне дал, он же сам и возьмет, Бог справедливый во всем».

398

Потому и в небе с Христом царствует, за тебя молитвы святые возносит.

399

За то, что он о тебе милостиво печется, жизнь временную к вечной направляет.

400

И божью любовь он испрашивает тебе, чтоб за патрона почитать его себе.

401

Счастья, фортуны, всякого благополучия, жизни на том свете с божью милостью.

402

От нее доброт всяких твоей вельможности прими верно со всей доброжелательностью.

403

Нищенской любви чтоб в ней содержался и за верного слугу почитался.

404

Познаешь верность, даст Бог и услуги, только, дай Бог, век тебе долгий.

405

Возлагая надежду на твою милость,

о которой молю со всей искренностью.

К ТОМУ ЖЕ (БОГДАНУ МАТВЕЕВИЧУ ХИТРОВО) НА РОЖДЕСТВО ХРИСТОВО

День превеселый ныне совершаем, Христа рожденна песньми прославляем. Kt'oremu niebo posyla anioly z wdziecznemi hymny na test przewesoly. Hi num clarunt Deum incarnatum, turba pastorum in Bethlee natum [406] . Волсви со дари ко Христу прийдоша, Мирро, кадило, злато принесоша, Kt'orym na drodze gwiazda wodzem byla, az do Bethlehem, gdzie Panna powila. Pastores autem ut Christu viderunt, divino cultu max adoranerunt [407] . Бог се во плоти ныне проявися, им же весь род наш ада свободися. Y raj niebieski dzi's nam otworzony, przez owoc drzewa niegdy's utracony. Maria Virgo felix caeli porta, de stupe David nostro bono orta [408] . Чем же днесь церковь Христа прославляет, и его Матерь песнями величает, Z kt'ora y wy mi dajcie Bogu chwale, a on was raczy chowa'c zdrowe, cale. Caelos, tranquillum largietur dona, ab eo namque ista fluunt bona [409] . Даст вам щасливо многа лета жити и рай небесный потом наследити. Его же аз вам усердно желаю и до стоп ваших в любви припадаю, моля: изволте раба си щадити, готова суща выну вам служити.

406

Которому небо посылает ангелов с прелестными гимнами в знак веселья (польск.). Ныне прославляют Бога воплощеннаго, смущает пастухов, он, в Вифлееме рожденный (лат.).

407

Которым в пути водителем звезда была, аж до Вифлеема, где Дева родила (польск.). Пастухи же как только Христа увидали, божественному учителю низко поклонились (лат.).

408

И рай небесный, ныне нам отворенный, который

когда-то из-за плода с древа (познания) был утрачен (польск). Мария Дева блаженная небеса доставляет, с изумленным Давидом нашим прекрасным восходит (лат.).

409

С которой и вы за меня Богу хвалы воздайте, а он вас будет хранить здоровыми, невредимыми (польск.) Небеса спокойствия даруй, госпожа, ибо ведь отсюда являются блага (лат.).

НА ИМЕНИНЫ ГОСУДАРЯ ЦАРЕВИЧА [410]

1

Бог солнцем небо светло украсивый, Луну и звезды на нем утвердивый: и церкве небо не менше вславляет, егда святыме ону украшает. Иже чюдеса дивныя творяще, всех освящают, як лучи святяще. Днесь празднуемый сицев есть святитель святый Алексий, бодрый твой хранитель [411] . От Алексие царя славна чадо, церкве надеждо, молящих отрадо. Оне бо чюдеса многая творяше, егда зде паству верных содержаше. И ныне его пресвятыя мощи точат молящим дивные помощы. А понеже он есть хранитель тебе, имаши помощь во всякой потребе. Он ти умолит у истинна света здравие, щастие, мудрость, многа лета, крепость на враги и венец на главу, да разшириши руска рода славу. Того вседушно аз тебе желаю, а главу мою к стопам приклоняю, прося милости, да в ней мя храниши и работати себе повелиши <...>

3

Ликуй, утехо российския страны! Радуйся свете, нам от Бога даны, Состави лики днесь, о Алексие, твое торжество есть празднество сие. В нем же песненно славим Алексия, пастыря блага, отца Руси всея. Его же имя на тебе речеся, он во аггела Богом ти дадеся, да тебе хранит от всяка прилога благий хранитель от благаго Бога. Он тебе имать в путех наставляти, како божию волю совершати. Блажен Товиа [412] древле в пути бяше, яко аггела за вожда имяше. Равне блаженна и тя мощно звати, яко Бог вожда того даровати, иже весть како тебе проводити и от бед в пути жития хранити. Того вождеством буди воведенный по мнозех летех в рай он преблаженный, во рай небесный, но впред лета многа да дасть десница всеблагаго Бога В мире ти жити, честь, славу стяжати, веру множити, царство разширяти! Вручит ти скипетр, дарует державу, возложит увясло честное на главу. Того аз раб ваш верно вам желаю, сам ся под стопы ваша подстилаю, хотя светлости вашей работати, дондеже имать дух плоть оживляти.

410

Цикл состоит из 3 стихотворений.

Стихи обращены к царевичу Алексею Алексеевичу (1654—1670), старшему сыну Алексея Михайловича от брака с М. И. Милославской. С 1667 г.— ученик Симеона.

411

...святый Алексий, бодрый твой хранитель...— сын богатого и знатного римлянина (конец IV — начало V вв.). Во время бракосочетания вернул невесте обручальный перстень, провел жизнь в странничестве и добровольном нищенстве. Легенда возникла в Сирии во второй половине V ст. В XVII веке «Житие» включено в печатный Пролог, на его основе создавались духовные стихи, поэмы (Л. Баранович), драмы. Святой Алексей рассматривается как покровитель царя Алексея Михайловича. День памяти святого Алексея (17 марта) празднуется особо пышно (см.: Адрианова В. П. Житие Алексея человека божия в древней русской литературе и народной словесности.— Пгр., 1917; Сазонова Л. И. Повесть об Алексее Римском в третьем—пятом изданиях Пролога и политический смысл темы Алексея в литературе 1660—1670 гг. // Литературный сборник XVII в. Пролог. М., 1978). В конце XV века «Житие» переведено на белорусский язык, сохранилось в составе белорусского сборника конца XV в. (ГПБ, I. No 391).

412

Товиа — библейский персонаж, сын Товита, который отправился за отцовским наследством. В дороге его сопровождал ангел Рафаил.

УВЕЩАНИЕ К ЧИТАТЕЛЮ В КНИГУ ЗАВЕТА ЦАРЯ ВАСИЛИЯ МАКЕДОНИНА [413]

Всякий родитель, ему же от Бога милость явленна с небесна чертога, да родит сыны в наследие рода, да его чада имеет порода во наследие преславному дому и аще мал есть чин и сан некому. Да весть известно: его же родил есть, втораго себе в мире оставил есть. Яко древеса яже плоды дают, от корней си ветви испущают, да аще самым приде состарети, отрасли родят аки своя дети. Та в количество онех возрастают и качеством же родивших являют. Точне людие с мира уступают и вместо себе чада оставляют, себе подобна естеством и нравы, да не лишатся и по смерти славы. Аще не родом, но весма с науки добронравие идет от рук в руки. Царь то Василий Македонии зная, добронравия сыну си желая, Лву, реченному, царя и постави и учением к добротам настави, царю достойным. И мудрость велику стяжа первую перву человеку. Да по премудром царь премудрый будет, и слава отцу сыном да прибудет. Егда же смерти своей близу бяше, мудрости полный завет написаше; да той, читая, весть преблаго жити, Богу и людем угоден пребыти. В нем же завете аще суть велика, яже венчанна учат человека; обаче всяку отцу не возбранно то подражати, что в нем написанно. Кождо учися чада наставляти, образ и слово по себе им дати; да образ помнят, слово же читают, добродетели твоя подражают. То же веждь, рождший, яко твое чадо весма подобно тебе быти радо; аще благ еси, чада блага будут, аще же ты зол, и та зла пребудут, ибо с тобою выну пребывают, что ты дееши, тому навыкают. Плод от древа си поблизу падает — чадо от отца нравы получает. Орел подобна себе орла плодит, а сова сову темиозрачну родит. Сын кровь твоя есть, аще ты растленны, како он будет тли не прицепленны? От тебе кровь есть, тобою и нравы ему вдашася, равны еста славы. Не многа чада, рожденнная злыми, Богу угодна делесы своими. Более, иже от благих рождени в злое житие бяху обращени. За недосмотром родивших оныя и от чуждых бо вземлют нравы злыя. Ты убо, рождший и честная мати, тщитеся чада ваша соблюдати, дабы ничто зло слышати и зрети, тако добри и будут ваши дети. Вы же, о чада, добрыми рожденна, да будет печаль всем вам положенна. Еже бы роду не нечесть творити, но славу многу к славе приложити житием благим, всеми добротами, яже творите, а Бог будет с вами. Иначе лучше людем чад не знати, нежели злобна тая созерцати. Ибо со шумом память погибает того, кто чада неблага питает. Кто имения злому оставляет — и сына губитель, и сам погибает. Григорий рече [414] , слышах глаголавша два юна к себе, и то задаявша. Первый второму сице глаголаше: Твой отец чести муж лишенный бяше! Аз же от честна отца есмь рожденный, ты не можеши мне быти сравненный. Вторый оному благ сый отвещаше: Мой мне едину отец в нечесть бяше. Ты же весь род твой безчестиши зело, даже с честными никто ходит смело. Смотрите убо и отцы, и чада, да не будете ко славе преграда един другому, но благо живите, что взаим славно прилежно творите, Благороднии чада наставляйте, от дел безчинных страхом отлучайте, От детства благим делесем учите и сами благо пред ними творите; да не губите тех лукавым делом,— яже родисте не духом, но телом. Ничто бо паче детей погубляет, яко родитель, иже зла творяет. Аще же сам благ не хощеши быти, благости чада потщися учити, да честь, тобою роду погубленна, чады твоими будет возвращенна, Да тя не всегда род твой проклинает, но не от чад твоих ползу знает. Всячески требе во благости быти, ему же даде Бог чада родити. Аще и в худе доме кто родится, добру учити чада си да тщится. Может бо чести набыти и славы своими и чад си благими нравы. И чадом добрым быти подобает, да добра слава в роде пребывает. Аще и мал род, может велик быти, елма кто тщится добре честно жити. С мала семене-древеса велика растут такожде с мала человека Может велик род и преславен быти, елма кто тщится на то заслужити. Книжица сия добру научает, кождо чтый ону, что чтет да творяет, ниже да мнит кто сей завет дан быти точию царю Лву во благо жити: всем бо полезен на началстве сущым, под правлением си люди имущым. Аще неси, царь, обаче держиши некия люди и тех да правиши богоугодно, праву быти требе, аще хощеши вечно жити в небе. Аще и домом единем живеши, всякую благость весма да блюдеши. И кто без дому един обитает, в благости жити весма подобает. Ея же види зде суть положени, да ту храняше вси будем спасени. Ея же кроме спасется никтоже, сам вся настави в благость Христе-Боже. Да зде добрыми делы служим тебе, по смерти песни вечно поем в небе. Ты, читателю, блюди сие слово, к писаным сердце да будет готово. Та дела дея будеши на небе, его же верно аз желаю тебе. О том нам взаим нужда есть молити, дабы и тебе, и мне в небе быти. То бо конец есть человеча рода, отечество наше, небесна порода. Тамо аз тщуся и ты тамо буди, вся твоя, Христе, в небо всели люди. Да тя согласно во век величаем, с аггелов лики вечно прославляем.

413

Опубликовано в книге — «Тестамент, или Завет Василия, царя греческого, к сыну его, Льву Философу».— М., 1680 — в виде предисловия. Два фрагмента (л. 1—2 об.) «Увещания...» приводит А. С. Елеонская в своей книге «Русская публицистика второй половины XVII века». М., 1978. С. 167.

Основное содержание «Тестамента» — поучение образцового отца Василия, царя греческого, своему сыну.

Поучения отца к сыну — один из древнейших жанров христианской литературы, который восходит к I в. н. э. Василий I Македонянин (836—886) — византийский император с 867 по 886 г., основатель Македонской династии. Его сын Лев Мудрый правил с 886 по 907 г.

414

Григорий рече...— имеется в виду Григорий Назианзин, Богослов (ок. 330 — ок. 390 гг.), ранневизантийский церковный деятель и мыслитель, проповедник и поэт, живший в Каппадокии в Малой Азии. В православной традиции — один из первых вселенских христианских учителей и святых. В сборник своих проповедей «Вечеря душевная» Симеон Полоцкий включил «Слово 1 в день святаго Григория Богослова», содержащее немало ценных мыслей по проблемам воспитания. В «Слове 2...», также посвященном Григорию Богослову, Симеон Полоцкий одну из главных заслуг Григория видит в постижении святым «ветийских хитростей», он «написа пиитическим словопрением многая стихи пресладкия» («Вечеря душевная», л. 234).

ФРЕНЫ, ИЛИ ПЛАЧИ ВСЕХ САНОВ И ЧИНОВ ПРАВОСЛАВНАГА РОССИЙСКОГО ЦАРСТВА О СМЕРТИ БЛАГОВЕРНЫЯ И ХРИСТОЛЮБИВЫЯ ГОСУДАРЫНИ ЦАРИЦЫ И ВЕЛИКИЯ КНЯГИНИ МАРИИ ИЛЬИНИЧНЫ [415]

ФРЕН, ИЛИ ПЛАЧЬ ПЕРВЫЙ БЛАГОЧЕСТИВЕЙШАГО ТИШАЙШАГО САМОДЕРЖАВНЕЙШАГО ВЕЛИКАГО ГОСУДАРЯ ЦАРЯ И ВЕЛИКАГО КНЯЗЯ АЛЕКСИЯ МИХАЙЛОВИЧА, ВСЕЯ ВЕЛИКИЯ И МАЛЫЯ И БЕЛЫЯ РОССИИ САМОДЕРЖЦА

Боже превечный, словом вся создавый, от небытия в бытие призвавый, небо звездами светло украсивый, всякими благи весь мир исполнивый. Рай доброплодный изволил создати и древо жизни в среде его дати. Вся добра бяху, еже твоя сила всемогущая тогда сотворила. Ничто же бе зло, еже бысть от тебе во всей вселенней и в пресветлом небе. Добр и Адам бе, не зла бяше Ева, благ бе и овощь ведомости древа. Всем благим бывшим, откуду родися, злоби во мире и смерть воцарися. Смерть несытая и неумолима, вся ядущая зубама своима, не смотрящая на вся людей саны, вся похищая до темныя ямы, венцы и скиптры царей похищает, и самы в темных гробех заключает. Архистратигом отъемлет булавы, як в поле траву косит людей славы. Всуе бодрии стрегут хилиархи, не обранят ей своего монархи. Ничто же стены каменны ползуют, храбрии вой ничто пособствуют. Брони и шлемы, стрелбы, луцы, стрелы от косы смерти не отстают целы. О где та коса смерти укована? не, мню, точию от адска Вулкана [416] . Коса смертная, ядом напущенна в посечение всего рода земна. И кто ей крыле даде скоры зело, ими же весь мир облетает смело? В един час Восток и Запад обходит, в то же Юг, Север слезами обводит. Везде на землю всегда пребывает купно и в мори пловцы погружает. Сам Сатанаил укрилил ю тако, да мертвит люди без милости всяко. Седмь тычящь сто лет седм выш седмдесяти, яко начат смерть люди убивати. А никто може ей сопротив стати, вси равно должни главы полагати. Велии луди что с нею могоша? что Самсон? [417] Что все? — все равно падоша. Без числа уже людей поглотила, а еще глада си не утолила. Бегает и днесь, як волк похищает, что ся ей случит, то и поглощает. О слезный то гость, след его немилый, везде бо сыплет по себе могилы. Где он во врата мало потолцает, уже в том дому нечто упадает. Толкну сей лютый гость и в наши врата, даже стрясеся, увы, вся полата. А столп вседворный, увы, нам падеся и в темном гробе с плачем погребеся. Столп, иже тягость нашу всю держаше, и во печалех сердце утвержаше, столп всего царства, твердь всея державы, помощь данная нам от царя славы. Помощь нам бяше Мария царица, юже нам даде божия десница. Помощь в печали ибо утешаше, помощь в немощи ибо промышляше. О здравстве нашем, не тако о себе, бе помощница во всякой потребе. Помощь в советех и во правлении, изряднее же в души спасении. Ту днесь отъят нам своею косою смерть вселютая с многою тугою. Бес помощницы и Адаму бяше не добре, аще и в рай живяше; коль ми хужае всемь плача юдоле и нам без нея — оле, оле, оле! Аще болезнь есть члена пострадати, коль ми вящьшая по себе отдати в смертныя зубы, аз се возвещаю несть ина болезнь яко сия чаю. Вам сей искус есть, мужие и жены, им же бе сицев союз распряжены. Их же супружество коса разсецаше, аки на двое сердце разделяше. Вы поне убо нам днесь пособите, горкое увы в части разделите. Вем некто древле очем слез прошаше и вод на главу, и тако плакаше. Нам без молитвы слезных вод доволно, полны слез очи и сердце есть полно. Исполнь утроба тяжких воздыханий и вся внутрьняя прегорких рыданий. Сугуб нам плачь есть, вина бо сугуба, любыя дщере и матере сугуба. Едину тщету Иаков имяше, егда любиму Рахиль [418] пострадаше. Подобие тяжким сыны рождением, яко нам дщере в мире изведением, умерла мати, Мария царица, а с нею купно данная девица. Ему на радость Вениамин [419] оста, нам мати и дщерь во гроб отидоста. Тамо сугубо имя сыну бяше, сыном болезни мати нарицаше. Отец же имя дал Вениамина, сказателне есть то нравицы сына. Зде дщерь болезни обема родися, умре бо мати, отец истощися. От множества слез утеха далече, От сердца горка, от души утече. Возводим очи на любая чада, от слезных слезы паче не отрада. Милыя сестры нас не утешают, сами от плача полма умирают. Светлый сигклите, верная полато, вскую на тебе не блистает злато? Вси бо во вретища вскую облечени, темноодежни, в слезах погружени. Вына в печалех, выну утешали, а днесь и сами в велией печали. Аможе любо очи обращаем, в мире утехи нигде обретаем. На небе радость, утеха есть в небе, возвожду убо очи мои к тебе. Тамо живущу, всемогущий Боже, и в твою милость, Марие госпоже, воздея руце, сердцем воздыхая, с поклоном слызным низу приницая: да слезы наши изволишь прияти, сыну твоему молебно являти. Дабы, о ней же память сотворяем, дарствил покоем и небесным раем. Сея утехи аз паче желаю, тебе, Марие, Марию вручаю. Царице небесней — земную царицу, да ю представиш божию лицу. Она тя в мире выну величаше, пособства в небо от тебе чаяше. Вемы же, аще кто тя призывает, никогда в молбе посрамлен бывает. Яви ей убо и нам милость яви, твоих раб верных мати не остави. Да ся тобою возможем хвалити, в мире и в небе вечно жити <...>

415

Подносной, не дошедший до нас экземпляр «Френов» был вручен царю Алексею Михайловичу в 1669 г. Сборник «Рифмологион» содержит беловой список «Френов». «Книжица» открывается прозаическим предисловием, обращенным к царю. Поэт предлагает ему принять утешения, как прежде это сделали евангельские герои Марфа и Мария, скорбевшие о смерти брата Лазаря. Далее следуют 12 плачей. Здесь рядом с плачами реальных лиц (царя, царских детей и пр.) приводятся плачи аллегорических персонажей и слова самой умершей царицы Марии Ильиничны. Заметна ориентация Симеона на «Трены» Яна Кохановского (1580).

416

Вулкан — в древнеримской мифологии бог огня и кузнечного дела (в древнегреч.— Гефест).

417

Самсон — библейский персонаж, отличавшийся богатырской силой.

418

Рахиль — согласно ветхозаветному преданию (книга «Бытие»), младшая дочь Лавана Арамеянина, двоюродная сестра и жена Иакова, родоначальника израильского народа, мать проданного братьями в египетское рабство Иосифа, ставшего там верховным правителем и спасшего свой род от голода. Умерла во время родов младшего сына Вениамина. Прародительница царей, пророков и героев.

419

Вениамин — ветхозаветный библейский персонаж, один из 12 сыновей Иакова, родоначальника израильского народа. Апостол Павел называет себя «из колена Вениаминова» (Послание к Римлянам, II, I).