Житие Сергия Радонежского, Клосс Борис Михайлович

Житие Сергия Радонежского

на обложку

Клосс Борис Михайлович

Шрифт:

О инокини, закорчен имущеи руц назад

Пришедшу же празднику Господьскому святыа Пятидесятница, во нь же в виднии огненых язык сниде Божественыи Духъ на святыа апостолы по обтованию Христову. И яко же по вся лта обычаи имут православнии христиане, от различных градов и стран, не точию от московских, но и от окрестных, сирчь от литовских, и рязанских, и тферских, приходят к Живоначалнои Троици и Пречистои Богородици и к чюдотворцеву гробу Сергиеву, и приемляху, еже кто аще что требоваху. Мнози бо от духов нечистых одержими и исцление получиша, и слпии прозрша; иже по исцлении мнози от них пребыша неисходни из монастыря, в монастырских работах тружающеся и до скончаниа живота, иже и мы видхом.

Бывшу убо пятку вечер понахиду великую и в суботу божественую литоргию игумен Мартиниан и со всми священники съвершив, и поиде с братиею на трапезу по обычаю. И яко бысть Преполовение, приходит ко игумену из церкви понамарь, повдаа ему, яко инокини дв стоят у гроба чюдотворцева, и едина имяше об руц закорчен, нын же едину показует, яко простил есть чюдотворецъ. Игуменъ же отпусти пономаря, вел пождати малъ час, донде же братскаа трапеза отидет. Егда же въсташа от трапезы, повел игумен позвонити во вся колоколы, и всм в божественую церковь собравшимся, и молебен собором игуменъ пвъ, инокиням же стоящим у гроба. И по отптии молебна приходит к неи игумен

и съ прочими богоугодными старцы и инии мнози, бяше бо множьство людии, яко и церкви не вмщати. И бяше видти страшно чюдо: прощенаа бо ея рука праваа имаше ногты отрастъша, яко в долготу перстом равны, но черны бяху, от естественаго зрниа отлучахуся. И тако тою рукою от того часа начат креститися и диствоваше, еже хотяше, другаа же рука еа бяше прикорчена на възнак прямо въ хребет, и не можаше ею никако же двигнути. Игумен же повел противу руки тоа прикорченыя разрзати ризу, яко да видят вси преславное знамение. И бяше видти рука та прикорчена въ хребет, но ногты из тла вышли бяху и отрастъша тако же, яко же и у прощеныяруки видхом. Знамениа же на тлеси не изгибша, иде же бяху вросли ногти ты. И тако пребысть у гроба чюдотворцева, и день тои всенощное пние пша и до заутриа в неделю. Егда же бысть часъ третии, во нь же сниде Духъ Святыи на божественыа апостолы, множьство же народа отрваху еа от гроба чюдотворчева. Она же со слезами предстоящи, и тако же прощена бысть еи и другая рука. И пономарь сказа игумену. Тогда призывает игумен об инокини и вопрошает их: «Откуду есте, чада, и како смо приидосте, и како послана есть сиа на тя от Бога явленая рана, яже точию попущает сиа на преобидящих божественаа». Она же инокини вся слезами облиявшися, начат сказовати: «Азъ, господине, окааннаа, от града есмь Коломны. И в мимошедшее лто, о Петров дни, егда бысть мор на человки и скоты, тогда сотвориша христолюбивии человци Пречистои Богородици обт, обдню и молебен пша. И священника вземше, снидошася в дом, иде же бяше трапеза уготована и питие. И аз туто же прилучихся. И яко же обычаи имут развращеннии человци, начаша пти и преже Пречистыа хлба. Священнику же принесена бысть чаша, он же взем и не испив, отдасть, рече, яко «не подобает вкуп быти трапез Божии и трапез бсовстеи», и тако изыде. Нам же сдящим и пиющим, и начаша пти и плескати. Христолюбив же мужь нкии рече: «Братие, Пречистаа о том не любит, еже плескати и играти». Аз же, окааннаа, к сему рх: «Ничто же в том нсть, еже пти и плескати». И егда сиа изрекох, тогда взят мя, яко нкии дух силенъ, и начат мною носити и торгати пред всми, и тако взем мною, раздрази мя о двери церковныя. И тако закорчи ми правую мою руку прямо назад, яко же и ногтем в тло вразитися, и яко же мало начах почуватися и проглаголах. И паки взят мя и начат мя мучити паче перваго, и удари мя о стну церковную, и тако закорче мн и лвая рука, по тому же на възнак назад. И тако лежах, окааннаа, яко мертва. Вси же мняще мя умершу, и тако начаша гробъ чинити. Отець же мои духовныи поп Ауксентии, приступив ко мн и познав, яко духь мои во мн есть, и повел престати. И тако лежах и до вечера. И по малех днех востах и хожах. И тако, окаяннаа, надяхся от человкъ помощи, исках врачев и ходящи бх. Борзо же бяше хождение мое, яко с Коломны днем на Москв обрсти ми ся. И оттуду въ град Дмитров шедши, и ту обртох старицу честну, иночьствующу в монастыри нкоем, иже видвши мя в таков ран и вопрошаше мя, что како случи ми ся. Аз же по ряду все сказах еи. Она же посла по игумена. Старцу же пришедшу в тои час, и видв мою страсть и слышав от тоя, яже аз сказах еи, зло побол печалию за мя. И рече ми честныи тои мужь: «Чадо, сиа рана посщение есть Божие на тя, яко да и инии накажутся тобою не преобидти Божественое. Но слыхала ли еси в чудесх пресловущаго преподобнаго отца нашего Сергиа, новаго чюдотворца, колицы суть приткающии к мощем его с врою, и вси исцление получают, иже нын память его близ есть». Аз же рх ему: «Господине отче, от многих слышала есмь, но нын желаю того, чтобы ми на память его быти тамо, еда како святыи милостив ми будет, и помолит за мя и исцлит мя».Тогда игумен рече к неи: «Чадо, аще и млада еси, но подобает ти преже общатися Богу и отрщитися мира, и тако к Живоначални Троици и чюдотворцевым мощем доидеши». Аз же рх: «Яко же велиши, господине, творю». И тако тои игумен постриже мя. И пребых у честнои тои старици нколико днии, учащися иночьскому житию. И яко прииде память святого, приидох смо, не оглашающи ми ся никому же. И тако сподобихся внити в церковь и святых мощеи прикоснутися. И в тои час выбистася ногти рук моих ис тлесе моего, а единако закорчены [833] бяху, а рзание же от ногтеи, еже страдах, преста тлу моему, яко же днесь [834] и сами видсте, где были врзалися ногти ты. Аз же, господине, отъидох, благодарящи Бога, получивши малу ослабу, надющися приити во грядущее лто. И тако оттол и донын по вся дни бях молящи Бога и великаго Сергия призывах на помощь. Иже и нын приидох и получих неизреченнаго здравиа молитвами чюдотворца Сергиа». И тако игумен поучив еа, еже имти страх Божии и цломудрие и воздержание. И тако по триех днех отпусти еа к Москв, а ногтии тх, котории отрасли бяху, не повел еи ножем отрзовати, но яко же Г осподь восхощет. Она же прииде на Москву, проповдающи всм величиа Божиа, ногты же еа лишнии отрастшии днии в десять, а инии отрастшии днии в девять, а инии по двадесятих, вси отпадоша, а осташася естествении, яко же преже.

833

Исправлено, в рукописи — закорченых.

834

Исправлено, в рукописи — гнесь.

О отрочати бснем

В ту же суботу Святого Духа безчисленое множьство уже приидоша, мужи и жены, от различных градов и стран, яко же обычаи, вси, кииждо коимждо недугом одержими, прикасахуся мощем святого Сергиа и исцлевахуся. В них же прииде от Москвы нкоторыи человкъ от церкве съборныя каменыа, еже есть Лазарь святыи, иже б у нея стражь, водя съ собою сына отроча, яко лтом двою на десятим. Отрочищу же б имя Афонасие, смущено от духа нечиста. И прииде въ церковь, и едва возможе доити пономоря со отрочатем. И глаголаше понамарю: «Что бы, господине, к мощем святого отрочати моему прикоснутися». Глаголаше бо отець его: «Спящу бо ему, рече, на великомученика Георгиа день весны сеа, и тако устрашився, вниде во нь лукавыи, и въстав смущен и кричаше необычно. Аз же, отець его, приидох, велях ему перекреститися и глаголати: «Господи, помилуи». Он же никако же хотяше прекреститися, ни же глаголати «Господи, помилуи», и ни же въ церковь внити, аще не нужею привлечен будет, молитвы же Исусовы отбгаше. И тако нын приидох к великому Сергию, требуя исцления». Пономарь же, яко же и прочим требующим, отверзе раку. Отроча же въскрича, глаголя: «О батько, — родителю своему, — не умори

мя, напрасно жжет мя». И тако избже из церкви. И пономарь сказа игумену о нем. Игумен же повел неотступну быти ему от мощеи святого. И тако всенощному пнию совершившуся, и тои весь день в неделю Съшествие Святого Духа отець его держаше отроча у гроба святого. Игумену же и мнози братии нудящим его прекреститися или помолитися, или поклонитися. Он же кричаше, глаголя: «Не хощу, не молюся». И тако в понеделник Святого Духа, на утрени, приступив игумен ко отрочати, повелвает ему прекреститися и поклонитися чюдотворцеву гробу. Отроча же с радостию и прекрестися, и поклонися, глаголя: «О Святаа Троица и святыи Сергие, избави мя от врага сего». И в тои час приступив, и прикоснуся мощем святого. [835] И тако от того часа здрав бысть и покланяшеся пред всяким старцем, глаголя, яко «вашими молитвами, отци святии, избави мя Богъ от злаго врага, губящаго душу мою». И пребыша в монастыри дни четыре, тако отиде отець его, здраво имя отроча, хваля и славя Бога и святого.

835

Сначала было написано его, но на полях замена.

О нмем, исцлвшем в тои же праздник

Инъ же человкъ прииде от Ерославля града, еще юнъ сыи, нмъ. Иже пришед, приложися к мощем святого и тако проглагола чисто, яко же и преже. Глаголаше же, яко прешедшу третиему лту, случи ми ся в великии страстныи пяток въстати от сна, и се затвористася очи мои и пребых всячьски слпъ, и хожах с вожем. И идох в Ростов къ чюдотворцу Леонтию и паки возвратихся в дом свои. И пришедшу на второе лто великому пятку, востах от сна, и се отверзостася очи мои и зрях чисто все. Затворижеся языкъ мои и пребых нм. Иже слышах о чюдесх преподобнагоСергиа, и приидох смо с врою и получих исцление от святого, яко же видите.

О бснующемся, [исцлвшем] в тои же праздникъ

Другии же отрокъ приведенъ бысть от рязаньских бояръ, Селивестровъ сынъ, от града Ярославца, имя духа нечиста, иже мноз мучаше его, и неподобная глаголаше, и ризы на себе разрзоваше, и никто же можаше его утолити. И тако пребыв у гроба чюдотворцева, исцел. Не отъиде в дом свои ко отцу и матери, но ту в монастыри и пострижеся, иже и донын есть в послушании, служа работу монастырскую.

Известие о чудесах 1449 г.

Публикуется по рукописи Син. № 637, л. 54 об.

[О инокин, имущи руц загбен назад, и о отроц бснующемся] [836]

По семъ кто изъчтеть чюдотворца святого Сергиа чюдеса непрестанно бываемая. В лто 6957, мсяца маия въ 31, на Сшествие Святаго Духа, черноризица именемъ Маремиана прииде от града Коломны къ гробу святаго, руц имуще обе сух, загбеныи составов за хребетъ и ноготми в ребрх утверженны. И всему народу зрящи и чюдящимся: от ребръ отвалишася, здрава бысть. И отрока именемъ Афанасия бснующася, ни именовати хотяща имени святого Сергия, бесчинно кричяща, исцли, и неотступенъ бысть святаго ракы. И другаго отрока именемъ Семеона косноглаголива язык исправи. Ти же вси исцлиша вкуп въ едины часы. И пребыша дни доволни въ обители святаго, радующеся и славяще Бога, аще бы имъ и не отъити въ своя имъ домы и ни мало отступити от ракы святаго.

836

Заголовок—из рукописи Егор. № 637.

VI. Книга о новоявленных чудесах преподобного Сергия Радонежского. Творение Симона Азарьина

Печатается по рукописи МДА, N° 203. Утраты текста и пропуски восполняются по списку МК РГБ, собр. М. И. Чуванова, инв. № 8386 (далее: Ч) и заключаются в квадратные скобки. По этому же списку даются основные (смысловые) разночтения.

Оглавление [837] новоявленных чюдес преподобнаго чюдотворца Сергия

1. О чюдеси святого Сергия, како [838] изцели жену слпу.

837

Отсюда текст писан первым писцом.

838

Далее рукой Симона Азарьина зачеркнуты слова прости и.

2. О умножении муки от малого сусечца.

3. О гласе, бывшемъ ключарю Иванну и о изцелнии инока розслаблена и отрока нма.

4. О лодь, како спасена бысть и с людми от потопления на море.

5. О чюдеси чюдотворца, како спасе человека на море от потопления.

6. О изцелении беснаго.

7. О изцелнии жены бесные.